Të folurit

Letra është e mirë për të dëgjuar ata që s’mund të flasin.

Laura Tangorra
Tema Dëgjim, Letërsi, Të folurit

Të flasësh është të përkthesh nga një gjuhë engjëllore në një gjuhë njerëzore.

Johann Georg Hamann
Tema Mendim, Përkthim, Të folurit

Ajo që themi është e rëndësishme sepse në shumë raste goja flet atë që zemra përmban.

James M. Beggs
Tema Rëndësi, Të folurit

Nga ata që kanë heshtur, janë penduar shumë pak; janë penduar shumica, nga ata që kanë folur pa cak.

Francesco Berni
Tema Heshtje, Pendim, Të folurit

Të flasësh për gjërat e vogla është poshtëruese; dhe as gjërat e mëdha nuk tregohen dot me fjalë. S’na mbetet tjetër veçse të heshtim.

Fausto Gianfranceschi
Tema Fjalë, Heshtje, Të folurit, Vogëlsi

Mbaje gjithmonë parasysh se është e pamundur të flasësh në mënyrë që mos keqkuptohesh: gjithmonë do të jetë dikush që do të keqkuptojë.

Karl Popper
Tema Keqkuptim, Të folurit

Do duhej të shisja gjuhën për të blerë mijëra sy.

Rumi
Tema Gjuhë, Shikim, Sy, Të folurit

Fjalitë e gjata në një fjalim të shkurtër janë si dhomat e mëdha në një shtëpi të vogël.

William Shenstone
Tema Fjalë, Të folurit

Një gjuhë e përmbajtur në fjalë është një thesar. Dhurata më e çmuar e fjalëve është masa.

Hesiodi
Tema Fjalë, Gjuhë, Masë, Të folurit

Virtyti i parë është frenimi i gjuhës; dhe është pothuajse një hyjni ai që di ta bindë gjuhën e tij të heshtë.

Katoni
Tema Heshtje, Të folurit, Virtyt

Lotët e një femre flasin në heshtje.

Beaumont and Fletcher
Tema Heshtje, Lot, Të folurit

Shpeshherë kuptohesh më mirë duke folur më pak.

Josefine von Knorr
Tema Kuptim, Të folurit

Të folurit me mençuri është shpeshherë e vështirë, por të heshturit me zgjuarsi është edhe më e vështirë.

Friedrich von Bodenstedt
Tema Çmenduri, Heshtje, Të folurit, Vështirësi

Dy janë gjërat e dëmshme për ata që duan të ngjitin shkallët e fatit: heshtja kur duhet folur dhe fjala kur duhet heshtur.

Friedrich von Bodenstedt
Tema Fat, Heshtje, Karrierë, Të folurit

Kur predikimi është i mirë, nuk ka rëndësi forma e foltores.

John Ruskin
Tema Predikim, Të folurit

Gratë gënjejnë më shumë pikërisht kur flasin më pak.

Émile Pontich
Tema Gënjeshtër, Grua, Të folurit

Gratë mendojnë se të flasësh troç është si të bredhësh lakuriq.

Émile Pontich
Tema Grua, Të folurit, Troç

Ata që flasin mirë për femrat, nuk i njohin mjaftueshëm; ata që flasin keq për to, nuk i njohin fare.

Pigault-Lebrun
Tema Aforizma argëtuese, Grua, Njohje, Përgojim, Të folurit

Njeriu ia kalon kafshës me të folur; por me të heshtur, ia kalon vetvetes.

Paul Masson
Tema Heshtje, Të folurit

Kur një grua i ka veshët plot, gjuha e saj nuk ndalet dot.

Étienne Jodelle
Tema Grua, Të folurit