Brendësi

Sigurohu që pamja jote e jashtme të pasqyrojë besnikërisht pamjen tënde të brendshme.

Jim Rohn
Tema Brendësi, Jashtë, Pasqyrë

Zoti s’është tjetër veçse pjesa më e ndritur brenda nesh.

Sri Chinmoy
Tema Brendësi, Dritë, Zot

E ardhmja jonë depërton brenda nesh shumë kohë përpara se të vijë.

Rainer Maria Rilke
Tema Brendësi, E ardhme, Parandjenjë

Etika është estetikë e brendshme.

Pierre Reverdy
Tema Brendësi, Estetikë, Etikë

Jeta jonë s’është as pas, as përpara, as tani, por është brenda nesh.

Jacques Prévert
Tema Brendësi, Jetë

Ngathtësia vjen nga brenda, jo nga rrethanat.

Ezra Pound
Tema Brendësi, Plogështi, Rrethanë

Secili mbart brenda vetes konceptin e tij të botës.

Henri Poincaré
Tema Botë, Brendësi, Koncept

Brenda secilit prej nesh gjenden ca përllogaritje që i quajmë shpresë.

Platoni
Tema Brendësi, Llogari, Shpresë

Në brendësinë time s’më bind askush, përveç arsyes.

Platoni
Tema Arsye, Bindje, Brendësi

Astronomia e nxit shpirtin të vëzhgojë përbrenda dhe na çon nga një botë në një tjetër.

Platoni
Tema Astronomi, Brendësi, Planet

Si mund të kuptohemi, nëse në fjalët që them, unë vendos vlerën e gjërave që kam brenda vetes sime; ndërsa ai që i dëgjon, domosdo i merr sipas kuptimit dhe vlerës që ai ka brenda vetes së tij?

Luigi Pirandello
Tema Brendësi, Dëgjim, Fjalë, Kuptim, Të folurit

Vetëm e mira brenda nesh mund të na ndihmojë të plotësojmë të mirën që na mungon.

Johann Heinrich Pestalozzi
Tema Brendësi, Mirësi, Mungesë

Njerëzit janë si vitrinat shumëngjyrëshe: shndrisin e vezullojnë kur ka diell, por kur bie terri, bukuria e tyre duket vetëm nëse brenda ka ndonjë dritë të ndezur.

Fernando Pessoa
Tema Brendësi, Bukuri, Njeri

Nuk jam asgjë. Nuk do të jem kurrë asgjë. Nuk mund të dua të jem asgjë. Përveç kësaj, brenda meje kam të gjitha ëndrrat e botës.

Fernando Pessoa
Tema Asgjë, Brendësi, Ëndërr

Pamja e brendshme ndryshon vizionin tonë të jashtëm.

Joseph Chilton Pearce
Tema Brendësi, Jashtë, Ndryshim, Vizion

Janë rrugët që ndërmarrim, është ajo që kemi përbrenda, që na mundëson të bëhemi çfarë jemi.

Katherine Pancol
Tema Brendësi, Rrugë, Vetvetja

Nëse brenda teje, gdhendur në zemrën tënde, gjendet fytyra e njeriut që dashuron, bota është ende shtëpia jote.

Orhan Pamuk
Tema Botë, Brendësi, Dashuri, Shtëpi, Zemër

Rregulli nuk është një urdhër që i vihet shoqërisë nga jashtë, por një ekuilibër që i caktohet nga brenda.

José Ortega y Gasset
Tema Brendësi, Ekuilibër, Jashtë, Rregull, Shoqëri, Urdhër

Fati dhe bota e brendshme janë dy emra për të njëjtin koncept.

Novalis
Tema Brendësi, Fat

Nëse ndryshon përbrenda, nuk duhet të vazhdosh të jetosh me të njëjtat sende.

Anaïs Nin
Tema Brendësi, Ndryshim