Përkatësi

Kur digjet shtëpia e fqinjit, është gjë që të përket.

Horaci
Tema Fqinj, Përkatësi

Ata që s’i përkasin asnjë vendi, dhe ata që i përkasin tepër një vendi, në të vërtetë u përkasin të gjitha vendeve.

Alden Nowlan
Tema Përkatësi, Vend

Asgjë nuk ju përket më shumë se ëndrrat tuaja.

Friedrich Nietzsche
Tema Ëndërr, Përkatësi

Në çastin që bën një fëmijë, atëherë ndien vërtet se i përket dikujt: ajo është familja.

Francesca Neri
Tema Familje, Fëmijë, Përkatësi

Macet s’u përkasin njerëzve, u përkasin vendeve.

Wright Morris
Tema Mace, Përkatësi

Një citim mjafton që të na vejë në dijeni se çdo fjalim i përket një tjetri.

Roberto Morpurgo
Tema Citim, Fjalim, Përkatësi

Dashuria është të dish se zemra e tjetrit nuk të përket me kontratë. Por, duhet merituar çdo ditë.

Federico Moccia
Tema Dashuri, Liri, Meritë, Përkatësi

Kur jashtëqitja të vlejë flori, bythët e fukarenjve nuk do t’u përkasin më fukarenjve.

Henry Miller
Tema Ar, Përkatësi, Varfëri

Nëse të kam ty, nuk kam nevojë për parajsën.

Stephenie Meyer
Tema Dashuri, Parajsë, Përkatësi

T’i përkasësh dikujt do të thotë të hysh me idenë tënde brenda idesë së tij e ta kthesh të gjithën në një psherëtimë lumturie.

Alda Merini
Tema Ide, Lumturi, Përkatësi

Unë nuk jam asgjë: gjithçka kam është Zoti.

Bob Marley
Tema Përkatësi, Pronë, Zot, Zotërim

Ajo që është vërtet e jona, s'humbet kurrë përgjithmonë.

Bob Marley
Tema Ndarje, Përkatësi

Ki parasysh se koha të përket më shumë se çdo gjë tjetër, dhe njëherë që e humbet, nuk e rifiton kurrë më.

Paolo Mantegazza
Tema Kohë, Përkatësi

Mos lejo të të rrëshqasë duarsh diçka që është e jotja, dhe askush s’mund të ta marrë.

Valerio Massimo Manfredi
Tema Përkatësi, Zotërim

Kush i përket vetëm vetes së vet nuk mund të braktiset.

David Leavitt
Tema Braktisje, Përkatësi, Vetvetja

S’është e drejtë që t’i dëbojmë të këqijat tona. Ato na përkasin. Duhet t’i pranojmë dhe të bëjmë paqe me to.

D. H. Lawrence
Tema Dëbim, E keqja, Përkatësi, Pranim

Gjithçka që jep toka dhe gjithçka që quhet lumturi është thjesht një lodër e fatit. Gjëja që jemi, vetëm kjo na përket.

Johann Kaspar Lavater
Tema Fat, Lodër, Lumturi, Përkatësi, Tokë, Vetvetja

Gjithçka është e të gjithëve, sepse të gjithë kanë nevojë për to, sepse të gjithë kanë punuar në masën e aftësive të tyre, dhe është materialisht e pamundur të përcaktohet pjesa që i takon secilit në prodhimin aktual të të mirave.

Peter Kropotkin
Tema Gjithçka, Meritë, Përkatësi, Punë, Të gjithë

Nëse dy veta kanë të njëjtin mendim, ai s’i përket atij që e ka pasur i pari, por ai që e ka pasur më të mirë.

Karl Kraus
Tema Mendim, Përkatësi

Kur zotëron një gjë, kjo mund të të hiqet. Por, kur këtë gjë e dhuron, e ke dhuruar; asnjë hajdut s’ta vjedh dot. E atëherë është e jotja përgjithmonë.

Joseph Joubert
Tema Dhuratë, Dhurim, Përkatësi, Zotërim