Dëshirë

Dëshira për t’u bërë më i mirë, do të thotë të jesh më i mirë që tani.

Edme-Pierre Beauchene
Tema Dëshirë, E mira

Njeriu është ai që zgjedh dhe dëshiron; dëshira është themeli i lirisë së tij.

Friedrich Schiller
Tema Dëshirë, Liri, Zgjedhje

Mbret është ai që nuk ka asnjë frikë, që nuk ka asnjë dëshirë: dhe gjithkush mund t’ia dhurojë vetes këtë mbretëri.

Seneka
Tema Dëshirë, Dhuratë, Frikë, Mbret, Vetvetja

Pasuria më e madhe e një njeriu është një zemër aq e gjerë sa për të mos dëshiruar pasurinë.

Gëte
Tema Dëshirë, Pasuri, Zemër

Gjëja më e ndaluar është gjë më e dëshiruar.

Ludovico Ariosto
Tema Dëshirë, Ndalim

Të besosh është fuqia e dytë, e para është të dëshirosh. Malet proverbiale që lëviz besimi nuk janë asgjë në krahasim me malet që lëviz vullneti.

Victor Hugo
Tema Besim, Dëshirë, Forcë

E kalojmë jetën duke dëshiruar atë që ende s’e kemi dhe duke u qarë për atë që s’e kemi më.

Joseph Roux
Tema Ankesë, Dëshirë, Mungesë

Kur thuhet se një burrë ka të gjitha gratë që dëshiron, duhet të kuptohet se nga të gjitha gratë që ai dëshiron, ka vetëm ato që e dëshirojnë atë.

Henri de Régnier
Tema Burrë, Dashuri, Dëshirë, Grua

Sa më shumë t’i afrohet njeriu gjësë së dëshiruar, aq më shumë e dëshiron atë; e nëse nuk e arrin, aq më shumë dhimbje ndien.

Niccolò Machiavelli
Tema Arritje, Dëshirë, Dhimbje

Paqja është gjëja më e mirë që mund të dëshirohet dhe gjëja më e dobishme që mund të zotërohet.

Agustini
Tema Dëshirë, Paqe, Zotërim

Sa më e vështirë, e mundimshme dhe e shtrenjtë të jetë një gjë, aq më shumë njerëzit këmbëngulin dhe çmenden për të.

Ferdinando Galiani
Tema Dëshirë, Kosto, Vështirësi

Më thuaj se çfarë dëshiron të jesh e do të të them se çfarë nuk je.

Henri-Frédéric Amiel
Tema Ambicie, Dëshirë, Vetvetja

Ai që dëshiron diçka të madhe, duhet të dijë të kufizohet, por ai që dëshiron gjithçka, në të vërtetë nuk dëshiron asgjë dhe nuk arrin asgjë.

Hegeli
Tema Arritje, Asgjë, Dëshirë, Gjithçka

Pleqëria është e keqja e madhe, sepse i heq njeriut të gjitha kënaqësitë, pa ia pakësuar dëshirat, e duke i mëshuar të gjitha dhimbjet.

Giacomo Leopardi
Tema Dëshirë, Dhimbje, E keqja, Kënaqësi, Pleqëri

Çfarë dëshiron të jesh, mund të jesh. Mund të jesh gjithçka që dëshiron!

Salman Rushdie
Tema Aftësi, Dëshirë, Vetëbesim

Çdo gjë kushton shtrenjtë, kur nuk e do.

James Joyce
Tema Dëshirë, Kosto

Bëj kujdes për atë çka dëshiron në rini sepse do të të vijë në pjekuri.

James Joyce
Tema Dëshirë, Pleqëri, Rini

Jeta e dëshirueshme u zbulohet vetëm zemrave të thjeshta.

James Joyce
Tema Dëshirë, Thjeshtësi

Nuk do të arrish kurrë t’i ndryshosh njerëzit thjesht duke folur mirë, duhet që ata të kenë dëshirën për të mësuar; nëse ata nuk duan, nuk ke ç’të bësh.

Harper Lee
Tema Dëshirë, Mësim, Ndryshim, Të tjerët

Lodhesh duke dëshiruar vazhdimisht, pa pasur kurrë.

Balzaku
Tema Dëshirë, Lodhje, Zotërim