Barazi

Vdekja barazon çdo gjë.

Claudius Claudianus
Tema Barazi, Vdekje

Pushteti është vota, simboli i lirisë dhe barazisë.

Susan B. Anthony
Tema Barazi, Liri, Pushtet, Votë

Tërmeti vret të pasur e të varfër, të shkolluar e analfabetë, autoritete e vartës. Përmes tërmetit natyra realizon atë që ligji premton e nuk mban kurrë: barazinë.

Ignazio Silone
Tema Barazi, Tërmet

Të gjitha fajet janë të barabarta.

Zenoni nga Citiumi
Tema Barazi, Faj

Vetëm një paqe mes të barabartëve mund të zgjasë.

Woodrow Wilson
Tema Barazi, Kohëzgjatje, Paqe

Një njeri i gjallë është më mirë se çdo njeri i vdekur, por asnjë njeri i gjallë apo i vdekur nuk është shumë më i mirë se cilido njeri tjetër i gjallë apo i vdekur.

William Faulkner
Tema Barazi, Gjallë, Më mirë ... se, Vdekje

Të jetosh në botën e sotme e të jesh kundër barazisë për arsye race apo ngjyre është si të jetosh në Alaskë e të jesh kundër borës.

William Faulkner
Tema Barazi, Jetë, Racizëm

Sa më i mençur je, aq më shumë beson tek barazia, sepse dallimi mes asaj që të mirë-arsimuarit dhe të keq-arsimuarit dinë është tejet banale krahasuar me gjithë atë që nuk dinë.

George Will
Tema Arsim, Barazi, Dituri, Injorancë, Mençuri

Njerëzit janë të gjithë të barabartë; dallimin nuk e bën lindja, por vetëm virtyti.

Volteri
Tema Barazi, Dallim, Lindje, Virtyt

Njerëzit kanë frikë nga barazia, kanë frikë nga përgjegjësitë aktive dhe të përhapura.

Paolo Volponi
Tema Barazi, Frikë, Përgjegjësi

S’është e vërtetë që barazia është një ligj i natyrës. Natyra nuk ka bërë asgjë të barabartë. Ligji sovran i saj është nënshtrimi dhe ndërvarësia.

Luc de Clapiers de Vauvenargues
Tema Barazi, Ligj, Natyrë, Nënshtrim

Burrat dhe gratë, të çdo vendi dhe të çdo kombi, janë të gjithë të barabartë. Është padrejtësia ajo që fut mes tyre diskriminim, frikë dhe shfrytëzim.

Mario Vargas Llosa
Tema Barazi, Burrë, Diskriminim, Grua, Padrejtësi

Është më e rëndësishme që të ketë mundësi të barabarta sesa pasuri të barabarta.

Arthur Vandenberg
Tema Barazi, Mundësi, Pasuri, Rëndësi

Dy nga deklaratat për qeniet njerëzore janë të vërteta: që të gjithë njerëzit janë të barabartë, e që të gjithë janë të ndryshëm. Mbi këto dy fakte mbështetet dituria njerëzore.

Mark Van Doren
Tema Barazi, Dituri, Ndryshim, Njeri

Drejtësia është arti i mirësisë dhe i barazisë.

Ulpiani
Tema Barazi, Drejtësi

Drejtësia është vullneti i vazhdueshëm për t’i dhënë secilit atë që i takon me të drejtë.

Ulpiani
Tema Barazi, Drejtësi, E drejtë

Një aspekt i rëndësishëm i barazisë gjinore nuk është vetëm të të trajtojnë njësoj si një mashkull, por sidomos që ti ta trajtosh veten në të njëjtën mënyrë që trajton një mashkull.

Marlo Thomas
Tema Barazi, Burrë, Grua, Trajtim, Vetvetja

Gratë nuk do të jenë të barabarta me meshkujt jashtë shtëpie derisa meshkujt të mos jenë të barabartë me to brenda shtëpisë.

Gloria Steinem
Tema Barazi, Burrë, Grua, Shtëpi

Paraja është forca më barazimtare e shoqërisë. I jep pushtet kujtdo që e zotëron.

Roger Starr
Tema Barazi, Para

Të gjithë meshkujt e femrat janë krijuar të barabartë.

Elizabeth Cady Stanton
Tema Barazi, Burrë, Grua