Mizori

Në sjelljet e tyre kundrejt krijesave të gjalla të gjithë njerëzit dëshmojnë se janë nazistë. Moskokëçarja me të cilën njeriu bën me kafshët e tjera atë që i pëlqen është një thjeshtëzim i teorive raciste më ekstreme, parimi sipas të cilit forca është e drejtë.

Isaac Bashevis Singer
Tema Indiferencë, Kafshë, Mizori, Racizëm

Shpesh dëgjojmë të thuhet se njerëzit gjithmonë kanë ngrënë kafshë, sikur kjo të justifikonte vazhdimin e kësaj praktike. Sipas kësaj logjike, nuk duhet të ndalojmë as vrasjen, sepse edhe kjo është praktikuar gjithmonë, që nga fillimi i kohërave.

Isaac Bashevis Singer
Tema Justifikim, Mishngrënës, Mizori, Vrasje

Atë që Nazistët ua bënë hebrenjve, njerëzit po ua bëjnë kafshëve.

Isaac Bashevis Singer
Tema Kafshë, Mizori, Njeri

Duhet të jem mizor vetëm që të jem i drejtë.

Shekspiri
Tema Drejtësi, Mizori

Ambicia duhet shoqëruar me pashpirtësi.

Shekspiri
Tema Ambicie, Mizori

Është torollak ai që ia ka besën butësisë së një ujku, shëndetit të një kali, dashurisë së një djaloshi dhe përbetimeve të një kurve.

Shekspiri
Tema Budalla, Kurvërim, Mizori, Padjallëzi

Peshqit në det bëjnë njësoj si njerëzit mbi tokë: të mëdhenjtë hanë të vegjlit.

Shekspiri
Tema Mizori, Peshk

Çdo mizori lind nga zemërngurtësia dhe dobësia.

Seneka
Tema Mizori

Nuk ka gjë më të papajtueshme e më të pashpirt sesa zilia, e megjithatë mundohemi me patjetër që ta ngjallim tek të tjerët.

Arthur Schopenhauer
Tema Mizori, Përshtatje, Zili

Mëshira ndaj kafshëve është kaq e lidhur me mirësinë e karakterit saqë mund të pohojmë me plot gojën se njeriu që është i pashpirt me kafshët nuk mund të jetë i mirë.

Arthur Schopenhauer
Tema Kafshë, Karakter, Mëshirë, Mirësi, Mizori

Peliçe: një lëkurë që ndërron kafshë.

Aurélien Scholl
Tema Kafshë, Lëkurë, Mizori

Sipas moralistëve, të kryesh mizori me ndërgjegje të pastër është një kënaqësi e rrallë; prandaj kanë shpikur ferrin.

Bertrand Russell
Tema Ferr, Kënaqësi, Mizori, Moral, Ndërgjegje

Më e keqe se zemërgurësia është vetëm mendjelehtësia.

Theodore Roosevelt
Tema Mendjelehtësi, Mizori

Nuk ia kemi fare idenë se çfarë duam, por jemi të gatshëm të shqyejmë këdo për ta pasur.

Will Rogers
Tema Absurd, Dëshirë, Mizori

Nuk besoj të ketë grabitqar si qenien njerëzore.

Robert Rodriguez
Tema Mizori, Njeri

Është pashpirtësi ta qortosh tjetrin kur është në vështirësi.

Publilius Syrus
Tema Kritikë, Mizori, Vështirësi

Njeriun e pashpirt nuk e trishtojnë lotët e tjetrit, por e gëzojnë.

Publilius Syrus
Tema Gëzim, Lot, Mizori

Çunakët i gjuajnë bretkosat me gurë për sport, por ato nuk ngordhin për sport. Ato ngordhin përnjëmend.

Plutarku
Tema Gjueti, Mizori, Sport

Urdhërimi i njëmbëdhjetë: mos e bëj Zotin tënd të flasë budallallëqe dhe mos i ngjesh atij ndjenja meskine.

Pitigrilli
Tema Marrëzi, Mizori, Zot

Sqima njerëzore nganjëherë nuk ngurron të kthejë në piedistal edhe njëfarë nami fyes apo edhe kundërmimin therës e qelbës të disa temjanicave të padenja e meskine.

Luigi Pirandello
Tema Lartësi, Mizori, Ofendim, Sqimë