Absurd

Në dashuri gjithçka është e vërtetë dhe gjithçka është e rreme; është e vetmja fushë ku asgjë nuk tingëllon absurde.

Nicolas Chamfort
Tema Absurd, Dashuri, Gënjeshtër, Vërtetësi

Fakti është absurd, nëse në të nuk futet kuptimi.

Boris Pasternak
Tema Absurd, Fakt, Kuptim

Teologjia është shkenca e absurdit të pafundëm.

Pierre-Joseph Proudhon
Tema Absurd, Teologji

Jeta nuk është gjë tjetër veçse rezultati natyror i një vargu ngjarjesh absurde, e ndonjëherë madje edhe të rëndomta.

Haruki Murakami
Tema Absurd, Jetë

Gjëja që është tepër absurde për t’u besuar, besohet sepse është tepër absurde për të qenë gënjeshtër.

Robert Jordan
Tema Absurd, Besim, Gënjeshtër

Fëmijëria ka mënyrën e vet për të parë, për të menduar, për të ndier; dhe është absurde të kërkojmë ta ndryshojmë këtë mënyrë.

Jean-Jacques Rousseau
Tema Absurd, Fëmijëri, Mendim, Ndjenjë, Shikim

Njeriu është një kafshë absurde, prandaj kush kërkon ta qeverisë atë përmes arsyes, do ta qeverisë shumë keq.

Ferdinando Galiani
Tema Absurd, Arsye, Njeri, Qeverisje

Është fund e krye absurde të urresh njerëzit vetëm se jetojnë në anën tjetër të qytetit dhe flasin tjetër gjuhë.

James Joyce
Tema Absurd, Gjuhë, Urrejtje

Absurditetet e jetës nuk kanë përse të ngjajnë si të vërteta, sepse janë të vërteta.

Luigi Pirandello
Tema Absurd, Vërtetësi

Kur një matematikan apo një filozof shkruan gjëra thellësisht të mjegullta, po formulon absurditete.

Alfred North Whitehead
Tema Absurd, Filozofi, Matematika

Një bindje e fortë se duhet bërë diçka është pjella e shumë masave absurde.

Daniel Webster
Tema Absurd, Bindje, Veprim

Sado absurde të jenë gjërat, fundi varet nga ti.

Julie Walters
Tema Absurd, Fund

Aspiratat më absurde dhe më të rrepta shpeshherë kanë çuar në suksese të jashtëzakonshme.

Luc de Clapiers de Vauvenargues
Tema Absurd, Aspiratë, Sukses

Feja: të nxjerrësh sytë për të parë më mirë.

Paul Valéry
Tema Absurd, Fe, Shikim, Verbëri

Jeta nuk mund të jetë kaq absurde dhe kaq e shpifur. E nëse është, atëherë përse vdekja, përse vdekja mes vuajtjesh? Diçka nuk shkon.

Leon Tolstoi
Tema Absurd, Jetë, Vdekje, Vuajtje

Cila nismë e madhe që nuk duket absurde në fillim? Vetëm pasi ajo kryhet, u duket e mundshme njerëzve mediokër.

Stendhal
Tema Absurd, Madhështi, Nismë

Absurditeti i vërtetë nuk është më pak real se realiteti, madje është më tepër.

John Simon
Tema Absurd, Realitet

Të thuash se besimtari është më i lumtur se ateisti është absurde. Po aq absurde është edhe bindja se i dehuri është më i lumtur se njeriu esëll.

George Bernard Shaw
Tema Absurd, Ateizëm, Besimtar, Bindje, Dehje, Esëll, Lumturi

Absurdi ia del me lehtësi të korrë sukses në botë.

Arthur Schopenhauer
Tema Absurd, Sukses

Kinemaja zëvendëson fenë, vendos rregull në kaos, fut arsyen tek absurdja.

Éric-Emmanuel Schmitt
Tema Absurd, Arsye, Fe, Kaos, Kinematografi, Rregull