Gëzim

Njeriu i ndan me gjithë qejf dhimbjet e tij me të tjerët, por jo gëzimet e tij.

Charles Régismanset
Tema Dhimbje, Egoizëm, Gëzim, Të tjerët

E kërkojmë veten në gëzim, por e gjejmë vetëm në dhimbje.

Henry Bataille
Tema Dhimbje, Gëzim, Kërkim, Vetvetja

Hakmarrja është një kënaqësi që zgjat vetëm një ditë: falja është një ndjenjë që mund t’ju gëzojë përgjithmonë.

Friedrich Rückert
Tema Falje, Gëzim, Hakmarrje, Kohëzgjatje

Jeta është e shkurtër dhe e mërzitshme, dhe ne e kalojmë atë vetëm duke dëshiruar. Pushimin dhe gëzimet i shtyjmë për të ardhmen.

Jean De la Bruyére
Tema Dëshirë, E ardhme, Gëzim, Jetëgjatësi, Mërzi, Pushim

Të vetmet gëzime të dëlira që njeriu mund të shijojë mbi tokë janë gëzimet e familjes.

Giuseppe Mazzini
Tema Familje, Gëzim

Gjithçka është njësoj e kotë në jetën e njeriut, si gëzimet ashtu edhe hidhërimet. Por është më mirë që flluska e sapunit të jetë e artë ose e kaltër sesa e zezë apo gri.

Nicolas Chamfort
Tema Gëzim, Hidhërim, Kotësi

Le të gëzojmë, sepse vetëm ditët që gëzojmë janë tonat: së shpejti do të jemi hi, hije, përrallë.

Persius
Tema E tashme, Gëzim

Vera e gëzon zemrën e njeriut, dhe gëzimi është prindi i të gjitha virtyteve.

Gëte
Tema Gëzim, Verë, Virtyt, Zemër

Urrejtja është një barrë e rëndë që e fundos zemrën në thellësi të gjoksit dhe peshon mbi gëzime porsi një gur varri.

Gëte
Tema Gëzim, Urrejtje, Zemër

Njeriu i virtytshëm që e njeh botën, nuk ngazëllehet shumë nga e mira dhe as pikëllohet shumë nga e keqja.

Niccolò Machiavelli
Tema Botë, E keqja, E mira, Gëzim, Trishtim, Virtyt

Hareja apo gëzimi është qielli nën të cilin gjithçka përparon.

Jean Paul
Tema Gëzim, Hare, Përparim

Është në kundërshtim me mendimin e njerëzve të mençur që gëzimin e të sotmes ta mbyllësh me vuajtjet e së nesërmes.

Saadiu
Tema E ardhme, E tashme, Gëzim, Vuajtje

Gëzimi që u frymëzojmë të tjerëve, ka këtë gjë të këndshme se, në vend që të dobësohet si çdo pasqyrim tjetër, ai na kthehet më i shkëlqyeshëm se më parë.

Victor Hugo
Tema Gëzim, Të tjerët

Fëmijët e pranojnë menjëherë dhe me lehtësi gëzimin dhe lumturinë, duke qenë se edhe ata vetë nga natyra janë gëzim dhe lumturi.

Victor Hugo
Tema Fëmijë, Gëzim, Lumturi, Pranim

Gëzimi i ndershëm e i pamëshirshëm i një fanatiku mizor ruan në vetvete nuk di se çfarë rrezatimi të përnderueshëm në mënyrë të lemerishme.

Victor Hugo
Tema Fanatizëm, Gëzim, Tmerr

S’ka ndjenjë njerëzore që të arrijë të të frikësojë më shumë se sa gëzimi i armikut.

Victor Hugo
Tema Armiqësi, Frikë, Gëzim

Jeta paska ma shumë brenga se gëzime.

Zef Pllumi
Tema Gëzim, Jetë, Vuajtje

S'qaj për gëzimet që humbas, mjerimin që më vjen, por vetëm qaj se nuk lë pas, asnjë që lot'n e vlen.

Lord Byron
Tema Gëzim, Lot, Mjerim, Qarje

Mirënjohja e tjetrit na mbush me gëzim, ngaqë është shumë e rrallë.

Stefan Zweig
Tema Gëzim, Mirënjohje, Rrallë

Gëzimi e trishtimi mund të shkrihen në një, ato nuk janë si uji e vaji.

José Saramago
Tema Gëzim, Trishtim