Kafshë

Nëse njerëzit do të mendonin se sa vuajtje dhe se çfarë jete të panatyrshme detyrohen të bëjnë kafshët, ndoshta shumëkujt mishi do t’i neveritej.

Margherita Hack
Tema Kafshë, Mishngrënës, Vegjetarian

Cilado vrasje e një krijese të gjallë është si vrasja e vetes sonë, dhe nuk ka dallime mes dhimbjes së një kafshe dhe vrasjes së një njeriu.

Margherita Hack
Tema Dhimbje, Kafshë, Vrasje

Kafshët janë qenie të gjalla me aftësinë e dashurisë dhe të vuajtjes, prandaj duhet t’i trajtojmë si vëllezër, e jo si objekte në shërbimin tonë.

Margherita Hack
Tema Kafshë, Ndjeshmëri, Trajtim

Në marrëdhënien seksuale njerëzit nuk dallojnë nga derrat apo nga kafshët e tjera të paarsyeshme.

Jeronimi
Tema Kafshë, Natyrë njerëzore, Seks

Kali, siç e dinë të gjithë, është pjesa më e rëndësishme e kalorësit.

Jean Giraudoux
Tema Famë, Kafshë

Njerëzit, kafshët, bimët: jemi të gjithë në të njëjtën barkë, dhe nuk mund të prekësh njërin pa cënuar edhe të tjerët.

Papa Gjon Pali I
Tema Bimësi, Kafshë, Njerëzim, Rrezik

Me kafshët duhet të sillemi mirë për shumë arsye, por sidomos ngaqë kemi të njëjtën origjinë.

Gjon Gojarti
Tema Drejtësi, Kafshë, Origjinë

Gjithçka është e lidhur. Ajo që sot u ndodh kafshëve, do t’u ndodhë njerëzve më vonë.

Indira Gandhi
Tema Kafshë, Lidhje, Ngjarje, Njeri

Kafsha, për shkak të natyrës së tij, nuk di të përmbahet. Njeriu është njeri ngaqë është i aftë për vetëkontroll, dhe vetëm derisa ta praktikojë.

Gandi
Tema Kafshë, Kontroll, Përmbajtje

Kafshët që jetojnë të lirë e të thjeshtë, nuk vdesin urie, mes tyre nuk ka të pasur e të varfër, nuk ka nga ata që hanë disa herë në ditë e nga ata që s’kanë ç’të hanë; këto dallime janë vetëm mes njerëzve. Dhe vazhdojmë ta mendojmë veten më lart se kafshët.

Gandi
Tema Dallim, Epërsi, Kafshë, Liri, Pasuri, Thjeshtësi, Uri, Varfëri

Mishi nuk është një ushqim i përshtatshëm për qenien njerëzore. Gabimi ynë është se sillemi si kafshët e ulta, duke menduar se jemi më të lartë.

Gandi
Tema Epërsi, Gabim, Kafshë, Mishngrënës, Njeri, Ushqim

Jeta e një qengji nuk është më pak e çmuar se ajo e një njeriu. Sa më e pambrojtur të jetë një krijesë, aq më shumë nevojë ka që njeriu ta mbrojë nga mizoria e njerëzve të tjerë.

Gandi
Tema Jetë, Kafshë, Mbrojtje, Njeri, Qenie

Kafshët shtëpiake të lara e të krehura bëhen të marra: u mungon stimuli i pleshtave.

Francis Galton
Tema Egërsi, Kafshë

Çdo grua duhet të ketë katër kafshë në jetën e saj: një bizon në raft, një Jaguar në garazh, një tigër në krevat dhe një gomar që të paguajë për çdo gjë.

Zsa Zsa Gábor
Tema Aforizma argëtuese, Grua, Kafshë

Kafshët nuk vrasin kurrë për kënaqësi. Vetëm për qenien njerëzore, tortura dhe vrasja e të ngjashmëve të tij, është burim dëfrimi.

James Anthony Froude
Tema Argëtim, Kafshë, Njeri, Vrasje

Atdheu i derrave është kudo që ka llum.

Fénelon
Tema Atdhe, Kafshë

Nga mizoria ndaj kafshëve u kuptua se edhe shtypja e njeriut nuk kërkonte ndonjë sforco të madhe.

Erazmo Roterdami
Tema Kafshë, Njeri, Shfarosje, Shtypje

Qeni nuk e ha qenin; luanët nuk luftojnë mes tyre; gjarpri nuk e sulmon gjarprin. Por për njeriun, bisha më e rrezikshme është vetë njeriu.

Erazmo Roterdami
Tema Kafshë, Njeri, Rrezik

Është turp i madh të përhapësh gjakun e kafshëve që u është hequr jeta përdhunshëm dhe të kollufisësh gjymtyrët e tyre.

Empedokli
Tema Kafshë, Mizori, Turp, Vegjetarian

Kafshët janë miq që nuk bezdisin: nuk bëjnë pyetje dhe nuk merren me thashetheme.

George Eliot
Tema Kafshë, Miqësi, Pyetje, Thashëthem