Botë

Për të pasur sukses në botë, këto tri maksima nguliti në kokë: të shohësh është të dish, të dëshirosh është të mundesh, të guxosh është të kesh.

Alfred de Musset
Tema Aforizmë, Botë, Dëshirë, Guxim, Shikim, Sukses

Lojërat janë miniatura të botës, që i ndihmojnë fëmijët të ndihen gjigantë.

Erri De Luca
Tema Botë, Fëmijë, Lojë

Bota është një libër, ku për çdo hap ndërron një faqe.

Alphonse De Lamartine
Tema Botë, Libër

Guximi i vërtetë është të bëjmë pa asnjë dëshmitar atë që do të kishim guximin të bënim para të gjithëve.

François de La Rochefoucauld
Tema Botë, Dëshmi, Guxim

Të dish atë që dinë të gjithë, nuk është dituri. Dituria fillon atje ku të tjerët nuk dinë. Prandaj, shkenca e vërtetë është përtej shkencës.

Remy de Gourmont
Tema Botë, Dituri, Injorancë, Shkencë

Bëj kujdes me fjalët e tua, sepse ato krijojnë botën rreth teje.

Andrea De Carlo
Tema Botë, Fjalë, Krijim

Rebelët nuk ia dalin gjithmonë të ndryshojnë botën; por bota nuk ia del kurrë të ndryshojë rebelët.

Alain de Benoist
Tema Botë, Ndryshim, Rebelim

Në mendjen e gruas së dashuruar, dashuria është krejt bota.

Balzaku
Tema Botë, Dashuri, Grua

E di që nuk jam askush për të ndryshuar botën, por nuk dua që dikush të hyjë e të kushtëzojë jetën time.

Maradona
Tema Botë, Kusht, Ndryshim

Në këtë botë nuk ka rëndësi se çfarë bën, por se çfarë i bën të tjerët të besojnë se ke bërë.

Arthur Conan Doyle
Tema Botë, Përshtypje, Të tjerët, Vepër

Gabimet e budallait i sheh e gjithë bota, por jo ai vetë. Gabimet e të diturit i sheh ai vetë, por askush tjetër.

Charles Caleb Colton
Tema Botë, Budalla, Gabim, Mençuri, Vetvetja

Sa më mirë ta njohësh veten, aq më të mira janë marrëdhëniet e tua me botën.

Toni Collette
Tema Botë, Marrëdhënie, Njohje, Vetvetja

Duke e njohur botën, një ditë lumturie mund të quhet një mrekulli.

Paulo Coelho
Tema Botë, Lumturi, Mrekulli

Bota ka një shpirt, dhe kush arrin ta kuptojë këtë shpirt, do të arrijë të kuptojë gjuhën e gjërave.

Paulo Coelho
Tema Botë, Gjuhë, Kuptim, Shpirt

Gjërat më të bukura janë ato që bota mund t’i shkatërrojë me lehtësi.

Cassandra Clare
Tema Botë, Bukuri, Shkatërrim

Ndoshta për krejt botën je vetëm një person, por për një person mund të jesh krejt bota.

Gabriel García Márquez
Tema Botë, Dashuri, Individ

Jetojmë me një zemër plot në një botë krejt bosh; dhe pa ndier ende asgjë, zhgënjehemi nga çdo gjë.

François-René de Chateaubriand
Tema Boshllëk, Botë, Zemër, Zhgënjim

Krijimi i botës në gjashtë ditë, si mund të rezultonte ndryshe, perveçse diçka e sajuar.

Pino Caruso
Tema Botë, Krijim

Që një mendim të ndryshojë botën, duhet më parë të ndryshojë jetën e zotëruesit të tij.

Albert Camus
Tema Botë, Mendim, Ndryshim

Kjo botë e trishtë që i vesh të veshurit e i zhvesh të zhveshurit.

Pedro Calderón de la Barca
Tema Botë, Ironi, Pasuri, Varfëri