Kujtesë

Dersa t’mundem me ligjrue, e sa gjallë me frymë unë jam, kurr Shqypni s’kam me t’harrue, edhe n’vorr me t’përmend kam.

Gjergj Fishta
Tema Atdhe, Harresë, Kujtesë, Shqipëria

Të vëzhgosh me kujdes do të thotë të mbash mend qartë.

Edgar Allan Poe
Tema Kujdes, Kujtesë, Shikim

Nëse kujtoj kush kam qenë, shoh te vetja dikë tjetër, dhe e shkuara është e tashmja në kujtesë. Ai që kam qenë është dikush që e dua, por vetëm në ëndërr.

Fernando Pessoa
Tema E ardhme, E shkuar, Ëndërr, Kujtesë

Luftërat mohojnë kujtesën duke na shkurajuar që të hetojmë mbi rrënjët e tyre, derisa të shuhet zëri i atyre që mund t’i tregojnë. Atëherë ato kthehen me një emër e fytyrë të re, për të shkatërruar dhe atë pjesë që kish mbetur.

Carlos Ruiz Zafón
Tema Kujtesë, Luftë

Ekzistojmë vetëm për aq kohë sa dikush kujtohet për ne.

Carlos Ruiz Zafón
Tema Ekzistencë, Kujtesë

Sa të mundesh, kujtesë, nga ajo dashuri e imja sillmë prapë, sa të mundesh, sonte.

Konstantinos Kavafis
Tema Dashuri, Kujtesë

Harresa shëron çdo gjë, dhe kënga është mënyra më e mirë për të harruar, pasi kur këndon, njeriu kujton vetëm çfarë i pëlqen të kujtojë.

Ivo Andriç
Tema Harresë, Këngë, Kujtesë, Shërim

Populli është një sovran pa kujtesë. Falja është po aq e natyrshme për të sa edhe mosmirënjohja.

Louis Latzarus
Tema Falje, Kujtesë, Mosmirënjohje, Popull

Jam i sigurt se nuk ka asgjë që i ngjan një harrese përfundimtare: gjurmët e skalitura një herë në kujtesë nuk mund të shkatërrohen më.

Thomas de Quincey
Tema Harresë, Kujtesë, Shkatërrim

Të mirat duhen shkruar në bronz dhe të këqijat në ajër.

Galileo Galilei
Tema E keqja, E mira, Harresë, Kujtesë

Jeta njerëzore ndahet në dy pjesë: tridhjetë e pesë vitet e para janë për përvojë, të tjerat janë për kujtesë.

Alexandre Dumas (i biri)
Tema Jetë, Kujtesë, Përvojë

Vetëm një Çezar jeton, një mijë të tjerë janë harruar.

Edward Young
Tema Harresë, Kujtesë

Kujtesa e grave është e habitshme; dashurinë e parë e mbajnë mend edhe pas tridhjetë vitesh; dashurinë e dytë e harrojnë që pas tre ditësh.

Moritz Gottlieb Saphir
Tema Aforizma argëtuese, Dashuri, Grua, Kujtesë

Të mendosh se është inteligjent dikush që di përmendësh, është si të quash të ditur një njeri që ka një bibliotekë të pasur në shtëpi.

Carlo Dossi
Tema Kujtesë, Mençuri

Njerëzit e gdhendin në mermer të keqen që u bëhet; ndërsa të mirën, e shkruajnë në rërë.

Thomas More
Tema E keqja, E mira, Harresë, Kujtesë, Mosmirënjohje

Kujtesa ka një vërtetësi të veten të posaçme. Zgjedh, fshin, ndryshon, tepron, thjeshton, lartëson e poshtëron; por, në fund, krijon një realitet të vetin rreth ngjarjeve, një version të vetin, heterogjen po zakonisht koherent; dhe asnjë njeri me mend në kokë nuk i beson më shumë versionit të tjetrit se versionit të vet.

Salman Rushdie
Tema Krijim, Kujtesë, Realitet

Jeta e njeriut asht 40 vjet gjallë e 20 vjet mbas vdekjes, mandej: rrnoftë harresa e përhershme.

Zef Pllumi
Tema Harresë, Jetëgjatësi, Kujtesë

Lypset të kujtojmë gjithmonë atë çka duam të harrojmë, ndërkohë që s’na mbetet veçse të kujtojmë gjithmonë atë që lypset të harrojmë.

Camilo José Cela
Tema Harresë, Kujtesë

Kujtesa njerëzore është me të vërtetë diçka e çuditshme: ruan përbrenda shumë gjëra të kota, shumë rraqe, si një sirtar. Ndërkohë që gjërat e rëndësishme, ato vërtet të nevojshme, zhduken njëra pas tjetrës.

Haruki Murakami
Tema Kotësi, Kujtesë, Rëndësi

Të gjitha gjërat që i kemi përpara dhe i shikojmë me sy, ngelen në kujtesë më të fortë se ato të shkuarat.

Miguel de Cervantes
Tema E shkuar, Kujtesë, Shikim