Bindje

Shoqëria ka rendin e duhur kur qytetarët u binden qeveritarëve, dhe qeveritarët i binden ligjit.

Soloni
Tema Bindje, Ligj, Qeveri, Qytetar, Shoqëri

Në historinë e gjatë dhe të errët të njerëzimit do të gjesh shumë krime të llahtarshme që janë kryer në emër të bindjes, dhe janë shumë më tepër se ata të kryer në emër të rebelizmit.

C. P. Snow
Tema Bindje, Histori, Krim, Rebelim

Një femër e sjellshme jo vetëm që duhet të urdhërojë pa autoritet, por edhe të bindë pa folur.

Philip Sidney
Tema Bindje, Grua, Mirësjellje, Urdhër

Të thuash se besimtari është më i lumtur se ateisti është absurde. Po aq absurde është edhe bindja se i dehuri është më i lumtur se njeriu esëll.

George Bernard Shaw
Tema Absurd, Ateizëm, Besimtar, Bindje, Dehje, Esëll, Lumturi

Udhëtimi është një akt përulësie. Kush është i bindur se di gjithçka, s’e kalon pragun e shtëpisë.

Beppe Severgnini
Tema Bindje, Dituri, Përulësi, Udhëtim

Askush nuk është në gjendje të komandojë, nëse nuk di gjithashtu edhe të bindet.

Seneka
Tema Bindje, Drejtues

Kinemaja është shpikur për të bindur njerëzit se jeta ka formën e një historie.

Éric-Emmanuel Schmitt
Tema Bindje, Histori, Jetë, Kinematografi

Ata që janë të bindur se kanë monopolin e së vërtetës mendojnë se janë të vetmit që po e shpëtojnë botën teksa masakrojnë heretikët.

Arthur M. Schlesinger Jr.
Tema Bindje, E vërteta, Masakër, Shpëtim

Duhet t’i mbështesim bindjet tona, jo me arsyen e forcës, por me forcën e arsyes.

Marina Santi
Tema Arsye, Bindje, Forcë, Mbështetje

Shpirti sundon, trupi i bindet; shpirti na afron me hyjnitë, trupi me kafshët.

Salusti
Tema Bindje, Shpirt, Trup, Turmë

Çdo njeri, kudo që vete, rrethohet nga një tërësi bindjesh ngushëlluese, që lëvizin bashkë me të si miza në një ditë vere.

Bertrand Russell
Tema Bindje, Ngushëllim, Njeri

Njeriu është një kafshë naive që duhet të besojë patjetër në diçka, dhe kur nuk gjen baza të mira për bindjet që ka, pranon bazat e këqija që gjen.

Bertrand Russell
Tema Besim, Bindje, Njeri, Padjallëzi

Besoj se të jesh i interesuar për një person sjell detyrimisht bindjen që është i bukur.

Geoffrey Rush
Tema Bindje, Bukuri, Interes

Mbi asgjë nuk kemi më pak pushtet se mbi zemrën tonë, dhe meqë nuk mund t’i japim urdhra, jemi të detyruar t’i bindemi.

Jean-Jacques Rousseau
Tema Bindje, Pushtet, Sundim, Zemër

Më i forti nuk është kurrë aq i fortë saqë të rrijë përherë në krye, përveç atëherë kur forcën e tij e kthen në të drejtë dhe bindjen e të tjerëve në detyrë.

Jean-Jacques Rousseau
Tema Bindje, E drejtë, Forcë, Të tjerët

Sa më i dobët trupi, aq më shumë urdhëron; sa më i fortë, aq më shumë bindet.

Jean-Jacques Rousseau
Tema Bindje, Dobësi, Forcë, Trup, Urdhër

Njeriu është i vjetër kur ka vetëm bindje.

Alberto Asor Rosa
Tema Bindje, Pleqëri

Ai që bindet është pothuajse përherë më i mirë se ai që komandon.

Ernest Renan
Tema Bindje, Më mirë ... se, Udhëheqje

Përmbajtja e mendimeve dhe bindjeve të tua personale mund të paraqitet përmes një treguesi të vetëm: rezultateve të tua aktuale.

James Arthur Ray
Tema Bindje, Mendim, Rezultat

Ata që besojnë pa një arsye, nuk mund të binden nga arsyeja.

James Randi
Tema Arsye, Besim, Bindje