Frikë

Popujt nuk duhet të kenë frikë nga qeveritë e tyre; qeveritë duhet të kenë frikë nga popujt e tyre.

Thomas Jefferson
Tema Frikë, Popull, Qeveri

Suksesin e arrijnë shpesh ata që guxojnë të veprojnë, por rrallë të ndrojturit e të tremburit nga pasojat.

Jawaharlal Nehru
Tema Frikë, Guxim, Ndrojtje, Sukses

Durimi ka kufij. Po e çove në skaj, gjen burracakërinë.

George Jackson
Tema Durim, Frikë, Qëndresë

Kurrë mos prano këshilla nga frikërat e tua.

Andrew Jackson
Tema Frikë, Këshillë

Budallai mendon se është ndonjë lloj privilegji që të gjithë ia hapin rrugën.

Silius Italicus
Tema Aforizma argëtuese, Budalla, Frikë, Privilegj

Frika se mos dukemi burracakë është arsyeja më e keqe për të bërë diçka.

John Irving
Tema Arsye, Frikë

Luftëtari më i mirë nuk është ai që fiton përherë, por ai që kthehet pa frikë në betejë.

Dolores Ibárruri
Tema Fitore, Frikë, Trimëri

Më mirë të jem vejusha e një heroi se gruaja e një burracaku.

Dolores Ibárruri
Tema Frikë, Heroizëm, Vejushë/Vejan

Prirja drejt shpresës dhe gëzimit është pasuri e vërtetë. Prirja drejt frikës dhe pakënaqësisë është varfëri e vërtetë.

David Hume
Tema Frikë, Gëzim, Pakënaqësi, Pasuri, Shpresë, Varfëri

Kuraja s’ia ka frikën krimit, dhe ndershmëria s’ia ka frikën autoritetit.

Victor Hugo
Tema Frikë, Guxim, Krim, Ndershmëri

Mungesa e frikës nuk është mosprania e saj, por është kontrolli i frikës, është të ringrihesh pasi je rrëzuar.

Arianna Huffington
Tema Frikë, Kontroll, Ringritje, Rrëzim

Një frikësim i mirë vlen për njeriun më shumë se një këshillë.

E. W. Howe
Tema Frikë, Këshillë

Shumë janë njerëzit që kanë parë në jetën private gjëra më të këqija se ato për të cilat bëjnë sikur tronditen në jetën publike.

E. W. Howe
Tema E keqja, Frikë, Privatësi, Tmerr

Besojnë se jetojnë në emër të çfarëdo gjëje që të duan. Por në të vërtetë udhëhiqen nga ajo që kanë më shumë frikë.

Khaled Hosseini
Tema Frikë, Iluzion, Udhëheqje

Duam të dimë se ç’është dashuria, por kemi frikë se dëshira për ta njohur do të na shpjerë gjithnjë e më pranë honit të mungesës së saj.

bell hooks
Tema Dashuri, Frikë, Humnerë, Njohje

Frika e vdekjes ka qenë gjithmonë një prej aleatëve më të mëdhenj të tiranive.

Sidney Hook
Tema Frikë, Tirani, Vdekje

Përse, kur ke frikë, resht së arsyetuari?

Paul Thiry d'Holbach
Tema Arsyetim, Frikë

Injoranca dhe frika, ja dy pikat ku mbështeten të gjitha besimet fetare.

Paul Thiry d'Holbach
Tema Fe, Frikë, Injorancë

Klerikët e të gjitha kulteve të tokës janë njerëz të zgjedhur nga Zoti për të përhapur frikën falas, në mënyrë që pastaj të mund të përhapin shpresë në këmbim të parasë.

Paul Thiry d'Holbach
Tema Fe, Frikë, Kleri, Para, Shpresë, Zot

Ndjesia e të qenët me ngut nuk është rezultat i një jete të ngjeshur ku koha mungon; përkundrazi, ajo lind nga frika se mos po e çojmë jetën dëm.

Eric Hoffer
Tema Dëm, Frikë, Kohë, Ngut