Forcë

Fuqia gjendet aty ku një njeri mendon se gjendet. As më shumë, as më pak.

George R. R. Martin
Tema Forcë

Një popull i kulturuar do të jetë përherë i fortë dhe i lirë.

José Martí
Tema Forcë, Kulturë, Liri, Popull

Forca dhe e vetmja e vërtetë e kësaj jete është dashuria. Patriotizmi nuk është gjë tjetër veç dashuri; miqësia nuk është gjë tjetër veç dashuri.

José Martí
Tema Dashuri, Forcë, Miqësi, Patriotizëm, Vërtetësi

Kur bëjmë çmos që të kemi një jetë pa vështirësi, të kemi parasysh se lisi rritet i fortë duke i bërë ballë erës dhe diamantet krijohen në kushtet e presionit të lartë.

Peter Marshall
Tema Forcë, Vështirësi

Martesa është purgatori i përbashkët i të gjithë temperamenteve të gjalla e të fuqishme. Një purgator i mëkateve që nuk ekzistojnë, një konsumim i rinisë, gjithçka në nderim të një mentaliteti absurd mohues, dëshpërues e shtypës, që nuk pranon zhvillimin triumfues të gëzimit fizik dhe të lirisë së guximshme e të rrezikshme.

Filippo Tommaso Marinetti
Tema Forcë, Martesë, Purgator

Në thellësi të njeriut flenë fuqi të përgjumura, fuqi që do ta habisnin, fuqi që ai s’ka guxuar as t’i ëndërrojë; fuqi që do ta përmbysnin jetën e tij, po të zgjoheshin e të viheshin në lëvizje.

Orison Swett Marden
Tema Brendësi, Forcë

Bota zotëron një forcë të egër, që e quan veten të drejtë.

Alessandro Manzoni
Tema Botë, Drejtësi, Forcë

Nëse i forti që do të kryejë padrejtësi, do të ishte përherë i detyruar të paraqesë arsyet e tij, gjërat nuk do të shkonin ashtu si shkojnë.

Alessandro Manzoni
Tema Arsye, Forcë, Padrejtësi

Sa më i fortë të jesh, aq më shumë të kanë zili. Sa më shumë vlera të kesh, aq më shumë të urrejnë.

Valerio Massimo Manfredi
Tema Forcë, Urrejtje, Vlerë, Zili

Vështirësitë, dikë e dobësojnë, dikë e forcojnë.

Nelson Mandela
Tema Dobësi, Forcë, Vështirësi

Një qeveri që përdor forcën për të mbajtur pushtetin, u mëson të shtypurve që të mbrohen përmes forcës.

Nelson Mandela
Tema Forcë, Mbrojtje, Qeveri, Shtypje

Fuqia nuk prapëson kurrë, përveçse përpara një fuqie më të madhe.

Malcolm X
Tema Forcë, Prapësim

Qeveri do të thotë të bësh ligje e t’ua diktosh të gjithëve, përmes forcës. Pa xhandarmëri nuk ka qeveri.

Errico Malatesta
Tema Diktim, Forcë, Qeveri, Ushtar

Duhet të jesh dhelpër për të zbuluar grackat dhe luan për të trembur ujqërit.

Niccolò Machiavelli
Tema Dhelpër, Dinakëri, Forcë

Të dobëtit hakmerren. Të fortët falin. Të zgjuarit shpërfillin.

Albert Einstein
Tema Dobësi, Falje, Forcë, Hakmarrje, Mençuri, Shpërfillje

Mos-përfshirja në konfliktin midis të fortit dhe të dobëtit, do të thotë të bëhesh palë me të fortin dhe jo të jesh neutral.

Paulo Freire
Tema Anim, Dobësi, Forcë, Konflikt, Neutralitet

Kurrë, kurrë mos harro se kush je, sepse është e sigurt që as bota nuk do ta harrojë. Shndërroje në forcë atë që je, në mënyrë që të mos jetë më dobësia jote. Shndërroje në armaturë, që të mos mund të përdoret dot kundër teje.

George R. R. Martin
Tema Botë, Dobësi, Forcë, Harresë, Identitet

Një jetë kënaqësish edhe mendjen e bën më të fortë, ose mos tjetër, më pak të trashë.

Edward Bulwer-Lytton
Tema Forcë, Kënaqësi, Mendje

Durimi nuk është pasiv, përkundrazi, ai është forcë e përqendruar.

Edward Bulwer-Lytton
Tema Durim, Forcë

Pena është më e fortë se shpata.

Edward Bulwer-Lytton
Tema Forcë, Madhështi, Mendje