Revolucion

Revolucioni nuk i ndryshon emocionet, nuk i fshin zakonet.

Enzo Biagi
Tema Emocion, Revolucion, Zakon

Revolucioni asht një ulkonjë që han bijt e vet.

Zef Pllumi
Tema Revolucion, Shtazëri

Revolucioni nuk është një drekë madhështore, nuk mund të bëhet me elegancë, qetësi e delikatesë. Revolucioni është një kryengritje, një akt dhune përmes të cilit njëra klasë përmbys tjetrën.

Mao Ce Duni
Tema Dhunë, Revolucion

Është koha të bëjmë një revolucion mbi mënyrën e ekzistencës së grave, është koha t’u kthejmë atyre dinjitetin e humbur dhe të bëjmë që ato, si pjesë e species njerëzore, të bëjnë çmos që nëpërmjet përmirësimit të vetvetes të përmirësojnë botën.

Mary Wollstonecraft
Tema Botë, Dinjitet, Grua, Përmirësim, Revolucion

Revolucionar do të jetë ai që do të mund të revolucionarizojë vetveten.

Ludwig Wittgenstein
Tema Revolucion, Vetvetja

Një revolucion pa një vallëzim është një revolucion që s’ia vlen mundimin që ta bësh.

Hugo Weaving
Tema Kërcim, Revolucion

Sa herë që një ngjarje e rëndësishme, një revolucion apo një gjëmë kthehet në përfitim për kishën, identifikohet gjithnjë si Dora e Zotit.

Volteri
Tema Kishë, Ngjarje, Përfitim, Revolucion, Zot

Asnjë popull në botë s’e ka arritur lirinë e vet me fjalë shenjtërish apo me tëhollime morale: ekziston një ligj i pandryshueshëm që të gjitha revolucionet që duan të kenë sukses, duhet të nisin me gjak.

Mark Twain
Tema Gjak, Liri, Moral, Revolucion

Revolucioni është një shkatërrimtar i madh njerëzish dhe karakteresh. Konsumon guximtarët e asgjëson më të dobëtit.

Leon Tolstoi
Tema Revolucion, Shkatërrim

Të gjithë njerëzit e njohin të drejtën e revolucionit kur tirania ose paaftësia e qeverisë bëhen të padurueshme.

Henry David Thoreau
Tema Mosbindje, Qeveri, Revolucion, Tirani

Revolucionet janë bij idesh e ndjenjash para se të jenë bij interesash.

Luigi Sturzo
Tema Ide, Interes, Ndjenjë, Revolucion

Çasti për të pllakosur një revolucion është në fillim, jo në fund.

Adlai Stevenson II
Tema Fillim, Fund, Revolucion

Nuk bëhet revolucion me dorashka mëndafshi.

Stalini
Tema Revolucion

Lëvizjet revolucionare tërheqin elementët më të mirë e më të këqij të një shoqërie të caktuar.

George Bernard Shaw
Tema E keqja, E mira, Revolucion

Revolucionet nuk e kanë pakësuar kurrë barrën e tiranisë, thjesht e kanë vënë mbi shpatulla të tjera.

George Bernard Shaw
Tema Revolucion, Të tjerët, Tirani

Dashuria është dinamit, është revolucion.

Éric-Emmanuel Schmitt
Tema Dashuri, Revolucion

Revolucioni, në këtë vend, bëhet siç duket vetëm nëpër rrjetet sociale.

Andrea Scanzi
Tema Revolucion, Rrjete Sociale

Çdo revolucion priret të kthehet në pikënisjen e tij.

Massimo Recalcati
Tema Revolucion

Ai që bën një revolucion, sapo e arrin qëllimin, kthehet në konservator.

Giuseppe Prezzolini
Tema Konservator, Revolucion

Para se të mendoni të ndryshoni botën, të bëni revolucione, të thurni kushtetuta të reja, të caktoni një rend të ri, depërtoni më parë në zemrën tuaj, bëni që aty të mbretërojë rendi, hareja e paqja. Vetëm më pas, kërkoni njerëz të ngjashëm me ju dhe veproni.

Platoni
Tema Botë, Kushtetutë, Ndryshim, Paqe, Revolucion, Veprim, Vetvetja