Shoqëri

Të kesh dikë me të cilin mund të qash, ta pakëson shumë vajin.

Vittorio Alfieri
Tema Çift, Qarje, Shoqëri

Njeriu i mërzitshëm ta heq kënaqësinë e vetmisë, e s’ta jep kënaqësinë e shoqërisë.

Benedetto Croce
Tema Kënaqësi, Mërzi, Shoqëri

Shoqëria është tolerante vetëm për gjërat që s’kushtojnë asgjë.

Enzo Biagi
Tema Kosto, Shoqëri, Tolerancë

Qëndrimi i gjatë në shoqëri i lëmon dhe i bën të zakonshme mendimet e njeriut.

Henry David Thoreau
Tema Kohëzgjatje, Mendim, Shoqëri

Edhe në sjelljet më intime luajmë role të paracaktuara nga shoqëria.

George Gurdjieff
Tema Intimitet, Rol, Shoqëri

Njeriu lind i mirë, por shoqëria e çart dhe e çorodit atë.

Miguel de Unamuno
Tema E keqja, Mirësi, Shoqëri

Atje ku është qëllimi i një qenieje, atje janë edhe dobia dhe e mira e saj. E mira e qenies së arsyeshme është jeta në bashkësi.

Mark Aureli
Tema Dobi, E mira, Qëllim, Shoqëri

Nuk është e lehtë të kalosh një natë të tërë pa kurrfarë shoqërie në një qytet të madh.

Dino Buzzati
Tema Natë, Qytet, Shoqëri

Njeriu i veçuar, sado që të jetë i zoti, ka nevojë për shokë.

Petro Marko
Tema Shoqëri, Vetmi

Gruaja asht themeli i shoqnisë njerëzore.

Haki Stërmilli
Tema Grua, Shoqëri

Njerëzit që s’e qasin shoqi-shoqin, janë shpëtimtarët e botës.

Jorge Luis Borges
Tema Botë, Shoqëri, Shpëtim

Një njeri njihet nga shoqëritë që frekuenton mendja e tij.

Thomas Bailey Aldrich
Tema Mendje, Shoqëri

Jeta shoqërore priret ta çlirojë njeriun nga skllavëria e jetës materiale.

Jacques Maritain
Tema Liri, Materializëm, Shoqëri

Shoqërohuni me dikë që i meriton vlerat tuaja të brendshme, ose zgjedhni vetminë. Disa pasuri nuk duhen zhvlerësuar kurrë.

A. de Pascalis
Tema Brendësi, Shoqëri, Vetmi, Vlerësim

Në shoqërinë e një miku çdo gjë është më e bukur dhe më e këndshme, dhe çdo e keqe është më e vogël dhe më pak bajate.

Bartolomeo nga San Concordio
Tema Miqësi, Shoqëri

Më mirë të gabosh në shoqërinë e të gjithëve sesa të kesh të drejtë në vetmi.

Madeleine de Puisieux
Tema Gabim, Shoqëri, Vetmi

Njeriu u krijua për shoqërinë.

William Blackstone
Tema Njeri, Shoqëri

Pak njerëz i kanë cilësitë për të shkëlqyer në shoqëri, por pothuajse të gjithë e kanë zotësinë të bëhen të këndshëm.

Jonathan Swift
Tema Shkëlqim, Shoqëri

Shoqëria ekziston për të mirën e anëtarëve të saj dhe jo anëtarët e saj për të mirën e shoqërisë.

Herbert Spencer
Tema Anëtar, Ekzistencë, Shoqëri

Për t’u kënaqur thellësisht dhe për të dashuruar, nevojitet vetmia; por për të pasur sukses duhet jetuar në shoqëri.

Stendhal
Tema Dashuri, Kënaqësi, Shoqëri, Sukses, Vetmi