Tirani

Kur pushteti është në dorë të një individi, ky e di se duhet të mendojë për të gjithë; por kur janë shumë ata që qeverisin, mendojnë veç për veten e tyre, dhe atëherë kemi tiraninë më të trullosur e më të urryeshme: tiraninë e maskuar si liri.

Luigi Pirandello
Tema Liri, Maskë, Pushtet, Shumicë, Tirani

Tirania është përherë e organizuar më mirë se liria.

Charles Péguy
Tema Liri, Organizim, Tirani

Nga të gjitha tiranitë që rëndojnë mbi njerëzimin, ajo e fesë është më e keqja. Tiranitë e tjera prekin vetëm trupin, ndërsa kjo arrin deri te shpirti dhe na tmerron edhe në përtejvarr.

Thomas Paine
Tema Fe, Përjetësi, Tirani, Vdekje, Vuajtje

Në demokraci, tirania e shumicës është më e dëmshme për pakicat dhe individët se ajo e një diktatori të vetëm.

Michael Novak
Tema Dëm, Demokraci, Diktaturë, Pakicë, Shumicë, Tirani

Dashuria është marrëdhënia mes një skllavi e një tirani.

Friedrich Nietzsche
Tema Dashuri, Skllavëri, Tirani

Asgjë nuk e ligështon një komb aq sa despotizmi fetar.

Napoleoni
Tema Fe, Komb, Shkatërrim, Tirani

Demokracia duhet të shmangë dy teprime: frymën e pabarazisë, që e çon drejt aristokracisë, dhe frymën e barazisë së skajshme, që e shpie drejt despotizmit.

Montesquieu
Tema Aristokraci, Barazi, Demokraci, Tepri, Tirani

Lumenjtë vërshojnë drejt detit, monarkitë drejt despotizmit.

Montesquieu
Tema Mbret, Tirani

Nuk ka tirani më të keqe se atë që ushtrohet nën hijen e ligjeve dhe drejtësisë.

Montesquieu
Tema Drejtësi, Ligj, Tirani

Përveç njerëzve të mirë, askush nuk mund ta dojë sinqerisht lirinë. Të tjerët nuk duan lirinë, por duan lirshmëri veprimi, e cila kuptimin e saj të plotë e merr vetëm nën tirani.

John Milton
Tema Liri, Mirësi, Tirani

Anarkia është pasoja e pashmangshme e tiranisë; sepse një pushtet që nuk kufizohet nga ligjet, as nuk mbrohet prej tyre.

John Milton
Tema Anarki, Kufi, Mbrojtje, Pasojë, Pushtet, Tirani

Mbrojtja nga tirania nuk mjafton. Nevojitet mbrojtje edhe ndaj tiranisë së opinionit e të ndjenjave mbizotëruese, si dhe ndaj tendencave të shoqërisë për të caktuar norma sjelljeje.

John Stuart Mill
Tema Mbrojtje, Normë, Opinion, Tendencë, Tirani

Çfarëdo që mbyt individualitetin është despotizëm, sido që ta ketë emrin.

John Stuart Mill
Tema Individ, Tirani

Vartësia nuk është skllavëri më shumë se ç’është autoriteti tirani.

Charles Maurras
Tema Skllavëri, Tirani, Vartës

Duaj zanatin që ke mësuar dhe kënaqu me aq. Kaloje pjesën e mbetur të jetës sate si ai që ia ka besuar gjërat e veta me gjithë zemër hyjnive, pa u bërë kurrë as skllavi e as tirani i askujt.

Mark Aureli
Tema Besimtar, Profesion, Skllavëri, Tirani

Shpesh, xhelozia s’është tjetër veçse një dëshirë e shthurur për të sunduar, e zhvendosur në fushën e dashurisë.

Marcel Proust
Tema Dashuri, Tirani, Xhelozi

As tirania më e mirë nuk vlen sa demokracia më e keqe.

Valerio Massimo Manfredi
Tema Demokraci, Tirani

Kur njerëzit nuk kanë asnjë tiran tjetër, opinioni publik bëhet tirani i tyre.

Edward Bulwer-Lytton
Tema Opinion, Tirani

Përgjigjja ndaj tiranisë duhet të jetë përherë kjo: shkatërrojeni!

Barry Lopez
Tema Dhunë, Përgjigje, Shkatërrim, Tirani

Politikës që i lihet dorë e lirë, qet në pah tiraninë që mbart përbrenda.

Emmanuel Lévinas
Tema Liri, Politikë, Tirani