Përulësi

Meqë Zoti nuk na bëri të përvuajtur, na bëri të nënshtrueshëm.

Julien Green
Tema Nënshtrim, Përulësi

Ji i përulur, ji i durueshëm, ji i mirë, e atëherë do të jesh fisnik, do të jesh i pasur, do të jesh i respektuar.

Carlo Goldoni
Tema Durim, Fisnikëri, Mirësi, Pasuri, Përulësi, Respekt

Përvujtëria i bën njerëzit e mëdhenj dy herë fisnik.

Benjamin Franklin
Tema Fisnikëri, Përulësi

Arsyeja ime nuk është mësuar të përkulet, gjunjët e mi po.

Michel de Montaigne
Tema Arsye, Gjunjë, Përulësi

Me njerëzit që janë vërtet të ditur ndodh si me kallinjtë e grurit: fryhen e krekosen sa janë bosh, por kur mbushen me kokrra, fillojnë të ulin kokën e të përulen.

Michel de Montaigne
Tema Dituri, Mburrje, Përulësi

Kurrë mos ji arrogant me të përulurin. Kurrë mos ji i përulur me arrogantin.

Jefferson Davis
Tema Arrogancë, Përulësi

Nuk mund të ketë madhështi të vërtetë pa përvujtëri.

Auro D’Alba
Tema Madhështi, Përulësi

Jeta është një mësim i gjatë përvujtërie.

J.M. Barrie
Tema Jetë, Mësim, Përulësi

E mira bëhet, nuk thuhet. Disa medalje varen në zemër, jo në xhaketë.

Gino Bartali
Tema Hipokrizi, Mirësi, Përulësi

Gjëja që e dallon njeriun e papjekur është se ai dëshiron të vdesë fisnikërisht për një kauzë, ndërsa njeriu i pjekur dëshiron të jetojë përulësisht për të.

Wilhelm Stekel
Tema Fisnikëri, Jetë, Maturi, Përulësi, Vdekje

Përvujtëria është forma më keqe e mendjemadhësisë.

François de La Rochefoucauld
Tema Mendjemadhësi, Përulësi

Përulësia është ajo gjë, që kur e ke, nuk beson se e ke.

Mario Soldati
Tema Përulësi

Përulësia dhe thjeshtësia janë dy burimet e vërteta të bukurisë.

Johann Joachim Winckelmann
Tema Bukuri, Përulësi, Thjeshtësi

Më mirë të japësh se të marrësh, por nganjëherë ka më shumë përvujtëri në pranim sesa në dhënie.

Søren Kierkegaard
Tema Dhënie, Marrje, Më mirë ... se, Përulësi, Pranim

Lumturia, për ne të gjorët, gjendet vetëm tek përvujtëria dhe bindja.

Émile Zola
Tema Bindje, Lumturi, Përulësi

Duhet më shumë përvujtëri në çastet e suksesit se në çastet e dështimit.

John Dewey
Tema Dështim, Përulësi, Sukses

Për mua ka qenë gjithnjë një mister arsyeja përse njerëzit ndihen të realizuar kur i detyrojnë të tjerët të përulen.

Gandi
Tema Mister, Përulësi

Nuk mund të përulësh një njeri që është krenar për veten e tij.

César Chávez
Tema Krenari, Përulësi

Hyjnitë argëtohen duke përulur çdo gjë që tenton të lartësohet.

Herodoti
Tema Hyjni, Përulësi

Njeriut i pëlqen të shohë të përulur edhe mikun e tij më të mirë. Pikërisht mbi përulësinë bazohet pjesërisht miqësia.

Leon Tolstoi
Tema Miqësi, Përulësi