Stephen Hawking

Njerëzit e heshtur janë ata që kanë mendjet më të zhurmshme.

Tema Heshtje, Mendje

Universi do të ishte bosh po të mos ishte për njerëzit që dua e që më duan.

Tema Dashuri, Univers

Jeta në tokë rrezikon gjithnjë e më shumë të shfaroset nga ndonjë katastrofë, si për shembull, një luftë bërthamore e papritur, një virus i modifikuar gjenetikisht, apo rreziqe të tjera që s’i kemi menduar akoma.

Tema Jetë, Katastrofë, Luftë, Rrezik, Virus

Qëllimi përfundimtar i shkencës është të arrijë të gjejë një teori të vetme që të përshkruajë të gjithë universin.

Tema Qëllim, Shkencë, Teori

Nëse gjendemi mbi sipërfaqen e Tokës, koha ecën më ngadalë si rrjedhojë e intensitetit më të madh të tërheqjes së gravitetit.

Tema Kohë, Tokë

Viruset kompjuterike duhet të konsiderohen si jeta që kemi krijuar sipas imazhit tonë.

Tema Imazh, Kompjuter, Virus

Së shpejti do të jetë e mundur që të rritet jetëgjatësia dhe inteligjenca e disa indvidëve. Këta mund të bëhen raca dominuese.

Tema Jetëgjatësi, Mençuri

Në fizikë nuk ka rëndësi se ç’shkollë ke kryer apo kë njeh, por ç’di të bësh.

Tema Dituri, Fizikë

Nëse kuptojmë si funksionon universi, ia gjejmë edhe anën që ta kontrollojmë.

Tema Kuptim, Univers

Kur gjendesh përballë mundësisë së një vdekjeje të parakohshme, kupton se jeta ia vlen të jetohet dhe që ka plot gjëra që dëshiron të bësh.

Tema Jetë, Vdekje, Vlerë

Njerëzit me aftësi të kufizuara duhet të përqendrohen mbi gjërat që kufizimi i tyre nuk i pengon të bëjnë, dhe jo të brengosen për gjërat që s'mund të bëjnë.

Tema Aftësi, Kufi, Përqendrim

Nëse çdo yll do të ishte një kokërr rëre, një lugë çaji do të përmbante të gjitha yjet që shohim me sy, por të gjitha yjet e universit do të mbushnin një sferë me një diametër prej 12 kilometrash.

Tema Univers, Yje

Inteligjenca është aftësia e përshtatjes sipas ndryshimeve.

Tema Mençuri, Ndryshim, Përshtatje

Në lashtësi, padituria rreth dukurive të natyrës i shtynte popujt të krijonin hyjni që të drejtonin çdo aspekt të jetës njerëzore.

Tema Hyjni, Injorancë, Lashtësi, Zot

S’është historia që na krijon, por jemi ne që e krijojmë historinë përmes hulumtimit tonë.

Tema Histori, Hulumtim

Të kufizojmë vëmendjen tonë në çështjet tokësore do të thotë të kufizojmë shpirtin njerëzor.

Tema Kufi, Shpirt, Tokë, Vëmendje

Të përdorësh emrin e Zotit si përgjigje ndaj pyetjes mbi origjinën e ligjeve të universit është si të zëvendësosh një mister me një tjetër.

Tema Mister, Përgjigje, Zot

Vetëm kur pritshmëritë janë zero, çmohen vërtet gjërat që ke.

Tema Gjëra, Pritshmëri, Vlerësim

Ligjet e shkencës nuk bëjnë dallime mes të shkuarës e të ardhmes.

Tema E ardhme, E shkuar, Shkencë