Federico De Roberto

Nëse doni t'ia dilni me gratë: mos i bëni të qeshin.

Tema Grua, Qeshje

Dashuroj siç dashuron deti bregun: me butësi e me rrëmbim.

Tema Dashuri

Kudo që ka njerëz, ka mendime të ndryshme, dallime ndjenjash, gjendje të ndryshme emocionale, me aq shumë varietete të përkohëshme apo të përhershme, saqë konsensusi i plotë është i pamundur, dhe nuk them mes të gjithëve apo shumë vetave, por mes një pakice, dy vetave.

Tema Emocion, Mendim, Ndryshim

Matematika nuk është opinion, por as opinioni nuk mund të matet me numra.

Tema Matematika, Numër, Opinion

E vërteta e sotme nuk është ajo e djeshmja e nuk do të jetë ajo e nesërmja.

Tema E ardhme, E shkuar, E tashme, Vërtetësi

Të duam, e të pranojmë të metat e personit që duam; të urrejmë, e të pranojmë meritat e personit që urrejmë, është diçka tejet e rrallë në botë.

Tema Dashuri, Mangësi, Meritë, Njohje, Rrallë, Urrejtje

Mendimi njerëzor ecën me ekzagjerime.

Tema Ekzagjerim, Mendim

Është më mirë të veprojmë ndonjëherë kundër mendimeve tona sesa të mos guxojmë asnjëherë të veprojmë sipas tyre.

Tema Kundërshtim, Mendim

Çastet për t’u pasur zili tek lumturia njerëzore janë ato më të thjeshtat.

Tema Lumturi, Thjeshtësi, Zili

Është më e lehtë të përçmosh se të kuptosh.

Tema Kuptim, Lehtësi, Përçmim

Njerëzve nuk u ndodh asgjë që nuk dëshirojnë t’u ndodhë; jo në kuptimin që mund të ndikojmë mbi rrjedhën e ngjarjeve të jashtme, por ngaqë kemi një ndikim total mbi çfarë këto ngjarje bëhen brenda nesh.

Tema Brendësi, Jashtë, Ngjarje, Njeri

Qeniet janë në luftë të vazhdueshme mes tyre; begatia e njërës sjell shkatërrimin e tjetrës; qeniet e dobëta u nënshtrohen të fortave.

Tema Luftë, Mbijetesë, Përparim, Shkatërrim

Ndërkohë që fjala e tanishme i drejtohet të gjithë njerëzimit, morali i supernjeriut do të jetë aristokratik, do të jetë privilegj i pak vetave.

Tema Fjalë, Moral, Njerëzim

Secili e mëshiron dhe ia lehtëson dhimbjen tjetrit duke iu druajtur një fati të tillë, e duke shpresuar që atëherë tjetri t’ia lehtësojë atij.

Tema Dhimbje, Mëshirë, Shpresë

Shpirti që qan dëshpërimisht zbulon gëzimin që fshihet tek vetmia ose tek heshtja e padepërtueshme.

Tema Dëshpërim, Gëzim, Heshtje, Qarje, Vetmi

Urtësia e vërtetë është ajo e njeriut të lumtur.

Tema Lumturi, Urtësi

Për t’i vënë re të metat e të tjerëve duhet të kemi disa të tilla edhe vetë.

Tema Dallim, Mangësi, Të tjerët, Vetvetja