Zhuangzi

Mendjes së qetë i nënshtrohet krejt universi.

Tema Mendje, Nënshtrim, Qetësi, Univers

Unë jam mik i atij që e di se qenia, asgjëja, vdekja dhe jeta, kanë të njëjtën orgjinë.

Tema Asgjë, Jetë, Miqësi, Origjinë, Qenie, Vdekje

Nëse mbjell grurë, do të korrësh një herë. Nëse mbjell pemë, do të korrësh dhjetë herë. Nëse arsimon popullin, do të korrësh njëqind herë.

Tema Arsim, Korrje, Mbjellje

Librat që ke studiuar janë thjesht gjurmët e lëna nga dijetarët e së shkuarës. Këto gjurmë janë lënë nga këpucët, por nuk janë këpucë.

Tema Dituri, E shkuar, Këpucë, Libër, Studim

Lër që të ndodhë çfarëdo që të ndodhë dhe liroje mendjen tënde. Ruaj përqendrimin duke pranuar çfarëdo që ti të bësh.

Tema Leje, Mendje, Ngjarje, Përqendrim

Qëllimi i fjalëve është të mund të shprehësh idenë.

Tema Fjalë, Ide, Qëllim

Shpërblimet dhe ndëshkimet janë forma më e ulët e edukimit.

Tema Edukatë, Ndëshkim, Shpërblim

S’është e bukur ç’është e bukur, por është e bukur çfarë sjell dobi.

Tema Bukuri, Dobi

Urtësia e madhe është bujare; urtësia e vogël është zuzare.

Tema Bujari, Madhësi, Urtësi, Vogëlsi

Njerëzit e vlerësojnë atë që gjendet në sferën e njohurive të tyre, por nuk e kuptojnë se sa shumë varen nga gjërat që gjenden përtej tyre.

Tema Dituri, Varësi

Njeriu i madh e përdor mendjen si një pasqyrë që pranon gjithçka, që reflekton gjithçka. Ajo merr, por nuk mban.

Tema Madhështi, Marrje, Mendje

Nuk mund të pasqyrohesh në ujin vërshues, por vetëm në ujin e qetë.

Tema Pasqyrë, Qetësi, Ujë

Nuk do ta gjesh kurrë lumturinë derisa të mos reshtësh së kërkuari.

Tema Kërkim, Lumturi

Lumturia gjendet në mungesën e përpjekjes për lumturi.

Tema Lumturi, Përpjekje

Inteligjenca e madhe përqafon gjithçka, e vogla bën përjashtime.

Tema Gjithçka, Mençuri, Përjashtim

Vidh një copë druri e të quajnë hajdut. Vidh një mbretëri e të shpallin mbret.

Tema Hajdut, Mbret, Vjedhje

Një natë ëndërrova se isha një flutur, që fluturoja i lehtë e i gëzuar, pa e ditur se isha unë. Pastaj u zgjova, dhe ja, isha sërish vetja ime. Tani nuk di: jam një njeri që ka ëndërruar se ishte flutur, apo një flutur që po ëndërron se është njeri? Mes tyre ka një ndryshim, por në thelb gjithçka është shndërrim.

Tema Ëndërr, Flutur, Njeri, Realitet, Shndërrim