Kafshët që jetojnë të lirë e të thjeshtë, nuk vdesin urie, mes tyre nuk ka të pasur e të varfër, nuk ka nga ata që hanë disa herë në ditë e nga ata që s’kanë ç’të hanë; këto dallime janë vetëm mes njerëzve. Dhe vazhdojmë ta mendojmë veten më lart se kafshët.

Gandi
Tema Dallim, Epërsi, Kafshë, Liri, Pasuri, Thjeshtësi, Uri, Varfëri

E trishtueshme është dhurata e përvojës. Do të thotë se, kur rilexoj faqen time të botuar, dalloj më shumë të meta nga sa dalloja në moshën tridhjetëvjeçare. Dhe përpjekja për të filluar nga e para është dyfish më e madhe.

Ugo Ojetti
Tema Përvojë, Trishtim

Përvoja është njohja e vonuar e gabimeve vetjake.

Roberto Gervaso
Tema Gabim, Përvojë, Vetvetja

Të mohosh përvojat e tua do të thotë të vësh një gënjeshtër në buzët e jetës sate. Është një mohim i shpirtit.

Oscar Wilde
Tema Gënjeshtër, Mohim, Përvojë

Diletant është ai që nuk është në lartësinë e ideve të veta, por megjithatë krenohet me to.

Arthur Schnitzler
Tema Ide, Përvojë

Sa më i fortë të jetë personaliteti i një gruaje, aq më lehtë ajo e mban barrën e përvojave të saj. Krenaria vjen pas rënies.

Karl Kraus
Tema Forcë, Grua, Krenari, Personalitet, Përvojë, Rënie

Syri i hapur dhe veshi vigjilent i kthejnë edhe dridhjet më të vogla në përvoja të mëdha.

Vasili Kandinski
Tema Përvojë, Sy, Vështirësi

Të gjithë jemi si një pëlhurë ku pala e parë nuk zhduket më kurrë.

Massimo d’Azeglio
Tema Përvojë

Do ta ndërroja përsëri zanatin. Nuk ka asgjë që të rinon më shumë. Një njeri pa përvojë është gjithmonë i ri.

Marcello Marchesi
Tema Përvojë, Profesion, Rini

Të rinjtë dallojnë të gjithë nga njëri-tjetri; të moshuarit bëhen të ngjashëm me njëri-tjetrin.

Plutarku
Tema Dallim, Ndryshim, Pleqëri, Rini

Mos diskuto kurrë me një budalla: ai të tërheq poshtë në nivelin e tij dhe pastaj të mund me përvojë.

Mark Twain
Tema Aforizma argëtuese, Budalla, Përvojë

Përvoja është e vetmja profeci e të mençurve.

Alphonse De Lamartine
Tema Përvojë, Profeci