Prind

S’është mishi e as gjaku, por është zemra ajo që na bën prindër apo bij.

Friedrich Schiller
Tema Afrimitet, Gjak, Prind, Zemër

Vetëm një gjë në botë është më e bukur dhe më e mirë se gruaja… nëna.

Leopold Schefer
Tema Grua, Nënë, Prind

Asnjë femër nuk mund të quhet e lirë derisa të mund të zgjedhë me vetëdije nëse dëshiron apo jo të bëhet nënë.

Margaret Sanger
Tema Grua, Liri, Prind, Zgjedhje

Emocionit që të jep yt bir kur mëson të flasë mund t’ia kalojë vetëm emocioni i gruas tënde që mëson të heshtë.

Maurizio Sangalli
Tema Aforizma argëtuese, Bashkëshortë, Emocion, Prind

Tani që jam vetë prind kuptoj përse im atë ishte shpesh me humor të keq.

Adam Sandler
Tema Humor, Prind

Ti mëson nga fëmijët e tu më shumë se ata nga ty. Përmes teje ata njohin të shkuarën, ndërsa përmes tyre ti njeh të ardhmen.

Friedrich Rückert
Tema E ardhme, E shkuar, Fëmijë, Mësim, Prind

Pasuria e të varfërve janë fëmijët e tyre; pasuria e të pasurve vjen nga prindërit e tyre.

Jean-Jacques Rousseau
Tema Fëmijë, Pasuri, Prind, Varfëri

Sa më thellë futem në aventurën e prindit, aq më shumë ndiej se duhet t’i kërkoj falje mamasë sime.

Ray Romano
Tema Falje, Nënë, Prind

Biri i denjë trashëgon miqësitë e të atit ashtu si pasuritë e tij.

Matteo Ricci
Tema Fëmijë, Miqësi, Pasuri, Prind, Trashëgimi

Të gjitha nënat, pa përjashtim, nuk dëshirojnë tjetër veç martesën e të bijve, por pastaj nuk pajtohen me personin që ata zgjedhin.

Raymond Radiguet
Tema Dakordësi, Fëmijë, Martesë, Nënë, Prind, Zgjedhje

Nuk ka fëmijë që të mos jetë i bukur për nënën e tij.

Kuintiliani
Tema Bukuri, Fëmijë, Nënë, Prind

Problemi i familjes së madhe njerëzore është se të gjithë duan të jenë babai.

Quino
Tema Njerëzim, Prind

Zemra e një prindi është kryevepra e natyrës.

Abbé Prévost
Tema Kryevepër, Prind, Zemër

Tokën nuk e trashëgojmë nga etërit tanë, por ua marrim borxh bijve tanë.

Wendell Berry
Tema Ambientalizëm, Borxh, Fëmijë, Prind, Tokë, Trashëgimi

Trashëgimia është gjëja që i shtyn prindërit e një adoleshenti të pyesin për njëri-tjetrin.

Laurence J. Peter
Tema Adoleshencë, Aforizma argëtuese, Prind, Pyetje, Trashëgimi

Psikiatria na lejon të korrigjojmë të metat tona duke rrëfyer ato të prindërve tanë.

Laurence J. Peter
Tema Aforizma argëtuese, Korrigjim, Mangësi, Prind, Psikiatër, Vetvetja

Shëndeti i fëmijëve varet nga kujdesi i prindërve.

Agnolo Pandolfini
Tema Fëmijë, Kujdes, Prind, Shëndet

Në çastin që lind fëmija, lind dhe nëna. Ajo nuk ka ekzistuar më parë. Ekzistonte gruaja, por jo nëna.

Osho
Tema Fëmijë, Grua, Lindje, Nënë, Prind

Pak janë bijtë që u ngjajnë etërve; shumica s’u mbërrijnë as tek thembrat, e fare pak ua kalojnë.

Homeri
Tema Fëmijë, Paraardhës, Pasardhës, Prind

Martesa është kurorëzimi i ëndrrave të një mashkulli e të një femre, pra, të prindërve të nuses.

Furio Ombri
Tema Aforizma argëtuese, Ëndërr, Martesë, Prind