Hyjni

Njeriu shihet si hyjni nga të tjerët, kur ai sheh punën e vet.

Caecilius Statius
Tema Hyjni, Të tjerët, Vetvetja

Kush mund të besojë se ekzistojnë bijtë e perëndive, por jo vetë perënditë?

Sokrati
Tema Hyjni, Pasardhës

Sa më pak dëshira të kesh, aq më pranë hyjnive do të jesh.

Sokrati
Tema Dëshirë, Hyjni

As hyjnitë nuk luftojnë kundër nevojës.

Simonides
Tema Hyjni, Nevojë

Hyjtë janë të drejtë, dhe veset tona të pëlqyeshme i kthejnë në mjete për të na brengosur.

Shekspiri
Tema Dhimbje, Drejtësi, Hyjni

Ne jemi për hyjnitë siç janë mizat për një çunak tekanjoz: na vrasin për argëtim.

Shekspiri
Tema Hyjni, Vrasje

Nëse buajt, kuajt dhe luanët do të mund të pikturonin e të bënin monumente ashtu si njerëzit, buajt do t’i paraqitnin hyjnitë të ngjashëm me buajt, kuajt të ngjashëm me kuajt dhe luanët të ngjashëm me luanët.

Ksenofani
Tema Hyjni, Kafshë, Zot

Ja një gjë madhështore: të kesh dobësinë e një njeriu dhe qetësinë e një hyjnie.

Seneka
Tema Hyjni, Madhështi, Njeri

Kush e do të vërtetën, i urren hyjnitë, në njëjës si në shumës.

Arthur Schopenhauer
Tema E vërteta, Hyjni, Urrejtje, Zot

Edhe hyjnitë e kanë të vështirë të dashurojnë pa u marrosur.

Publilius Syrus
Tema Dashuri, Hyjni, Marrëzi

Për hyjtë nuk kam mundësi të di as se ç’janë, as se ç’nuk janë. Pengesë janë paqartësia e argumentit dhe kohëzgjatja e shkurtër e jetës njerëzore.

Protagora
Tema Agnosticizëm, E panjohur, Ekzistencë, Hyjni

Dashuria nuk do të konsiderohej një hyjni, nëse nuk do të bënte vazhdimisht mrekulli.

Abbé Prévost
Tema Dashuri, Hyjni, Mrekulli

Pjesa hyjnore e njeriut është të ndihmojë një njeri tjetër.

Plini Plak
Tema Hyjni, Ndihmë, Të tjerët

Hyjnive u ka pëlqyer të bëjnë që dhimbja të jetë shoqja e kënaqësisë.

Plauti
Tema Dhimbje, Hyjni, Kënaqësi

As hyjnitë nuk luftojnë kundër fatit.

Pitaku
Tema Fat, Hyjni, Luftë

Ishte frika ajo që i krijoi e para hyjnitë në botë.

Petronius
Tema Frikë, Hyjni, Krijim

Ka apo nuk ka hyjni, ne jemi shërbëtorë të tyre.

Fernando Pessoa
Tema Hyjni, Shërbëtor

Hyjnitë, atë që duan ta shkatërrojnë, fillimisht e quajnë premtues.

Cyril Connolly
Tema Hyjni, Pritshmëri, Shkatërrim

Na leverdis të besojmë se hyjtë ekzistojnë; dhe, meqë na leverdis, le të besojmë se ekzistojnë.

Ovidi
Tema Besim, Hyjni, Leverdi, Liri, Zot

Dhuratat e hyjnive s’i zgjedh dot askush.

Homeri
Tema Dhuratë, Hyjni, Zgjedhje