Barazi

Sëmundja është një proces fizik që zakonisht nis atë barazinë që përsos vdekja.

Samuel Johnson
Tema Barazi, Sëmundje, Vdekje

Që të gjithë njerëzit janë të barabartë është një teori që asnjë njeri me mend në kokë nuk e ka pohuar kurrë.

Aldous Huxley
Tema Barazi, Teori

Sa më shumë ta duam lirinë dhe barazinë, aq më shumë duhet ta urrejmë atë që kundërshton lirinë dhe barazinë e njerëzve.

Émile Henry
Tema Barazi, Kundërshtim, Liri

Unë jam vdekja. Përpara meje të gjithë njerëzit janë të barabartë.

Vëllezërit Grimm
Tema Barazi, Vdekje

Ai që lëvdon dikë tjetër, kërkon të barazohet me të.

Gëte
Tema Barazi, Lëvdatë

Ligjvënësit që premtojnë njëkohësisht barazi dhe liri, ose janë tutkunë ose sharlatanë.

Gëte
Tema Barazi, Liri

Besnikëria është përpjekja e një fisniku për t’u barazuar me një njeri edhe më fisnik.

Gëte
Tema Barazi, Besnikëri, Fisnikëri

Brezat e ardhshëm do ta mësojnë barazinë nga varfëria dhe dashurinë nga vuajtja.

Khalil Gibran
Tema Barazi, Dashuri, E ardhme, Varfëri, Vuajtje

Po t'i merrnim të gjitha paratë e botës e t’i ndanim barazisht mes banorëve të tokës, ato shumë shpejt do të ktheheshin në xhepat ku ishin më parë.

Jean Paul Getty
Tema Barazi, Ndarje, Para, Pasuri

Bota demokratike bazohet mbi parimin që individët janë të lirë e të barabartë: faktikisht ka një anim natyror për utopinë.

François Furet
Tema Barazi, Demokraci, Liri, Utopi

Nuk ka pabarazi më të madhe se një trajtim të barabartë mes të pabarabartëve.

Felix Frankfurter
Tema Barazi

Sado që inteligjenca dhe aftësitë njerëzore mund të jenë të ndryshme mes tyre, barku është pak a shumë i njëjtë për të gjithë.

F. Scott Fitzgerald
Tema Barazi, Mençuri, Oreks

Ka gjëra më të këqija e më të mira se seksi, por si ai nuk është asgjë.

W. C. Fields
Tema Aforizma argëtuese, Barazi, Seks

Këtu mbretëron barazia. Askush nuk vlen asgjë.

R. Lee Ermey
Tema Aforizma argëtuese, Barazi, Vlerë

Ç’vlerë ka e ashtuquajtura barazi e secilit para ligjit, kur ligji s’është i barabartë për secilin?

Pietro Ellero
Tema Barazi, Ligj

Kaq shumë diskutime rreth barazisë. E vetmja barazi e njerëzve është fakti se të gjithë duhet të vdesin.

Bob Dylan
Tema Barazi, Vdekje

Asnjë shkencë apo interes i përbashkët nuk mund t’i bindë njerëzit t’i ndajnë pasuritë dhe të drejtat barazisht. Çdo gjë do të jetë gjithmonë tepër pak për secilin dhe të gjithë do të ankohen, do të bëhen ziliqarë dhe do të vriten mes tyre.

Fjodor Dostojevski
Tema Barazi, Ndarje, Pasuri, Zili

Ligji është i barabartë për të gjithë rreckamanët.

Carlo Dossi
Tema Barazi, Ligj, Mjerim

Pushteti funksionon mirë kur nuk bën dallime mes miqve dhe armiqve.

Don DeLillo
Tema Armiqësi, Barazi, Dallim, Miqësi, Pushtet

Kudo që njerëzit do të jenë të barabartë e pa dallime, nuk mund të ketë kurrë lumturi.

Marquis de Sade
Tema Barazi, Dallim, Lumturi