Sinqeritet

Rrëfimi i mangësive tona është një gjë e padenjë. Ngjan më shumë si mburrje sesa si sinqeritet e modesti.

William Hazlitt
Tema Dinjitet, Mangësi, Mburrje, Modesti, Sinqeritet

Ana e errët e monedhës së demokracisë është se njerëzit e sinqertë i kanë duart e lidhura. Të tjerët, bëjnë çfarë duan.

Václav Havel
Tema Demokraci, E keqja, Sinqeritet

Njerëzit e vërtetë të frikësojnë. Prandaj shpeshherë ata mbesin vetëm. Sepse janë të sinqertë, të ndershëm, dhe kur duan të thonë diçka, e thonë në mënyrën më të vërtetë që njohin.

Margherita Hack
Tema E vërteta, Ndershmëri, Sinqeritet, Vetmi

Sinqeriteti nuk duhet të kthehet në padjallëzi.

Baltasar Gracián
Tema Padjallëzi, Sinqeritet

Pjekuria përbëhet edhe nga ruajtja e ndonjë aspekti fëmijëror, nga të qenët i çiltër, i hapur, i gatshëm për entuziazëm.

Luca Goldoni
Tema Fëmijëri, Maturi, Pjekuri, Sinqeritet

Sekreti i suksesit është sinqeriteti. Nëse arrin të dukesh i tillë, ia hodhe.

Jean Giraudoux
Tema Shtirje, Sinqeritet, Sukses

Nuk mundesh që njëkohësisht të dukesh e të jesh i sinqertë.

André Gide
Tema Dukje, Sinqeritet

Ka tre lloje meshkujsh: të sinqertët, besnikët dhe shumica.

Geppi Cucciari
Tema Aforizma argëtuese, Besnikëri, Burrë, Sinqeritet

Të qenët krejtësisht të sinqertë me vetveten është një ushtrim i mirë.

Sigmund Freud
Tema Sinqeritet, Vetvetja

Një grua është e sinqertë kur nuk thotë gënjeshtra të panevojshme.

Anatole France
Tema Aforizma argëtuese, Grua, Nevojë, Sinqeritet

Virtyti i parë i njerëzve të fisëm është sinqeriteti. Ata e kanë çrrënjosur hipokrizinë nga zemrat e tyre.

Anatole France
Tema Fisnikëri, Hipokrizi, Sinqeritet

Kur fillojnë komplimentet, sinqeriteti merr fund.

Denis Fonvizin
Tema Kompliment, Sinqeritet

Ëndërrat janë dëshira lumturie. Në ëndërr nuk ke mendime, shprehesh me sinqeritet.

Walt Disney
Tema Ëndërr, Lumturi, Sinqeritet

Çdo njeri është i sinqertë për sa kohë që është vetëm. Kur shfaqet një person tjetër, atëherë nis hipokrizia.

Ralph Waldo Emerson
Tema Hipokrizi, Sinqeritet, Vetmi

Ka njerëz që pendohen sinqerisht vetëm për veprat e tyre të mira.

Alexandre Dumas (i biri)
Tema E mira, Pendim, Sinqeritet

Jeta e kombit është e sigurt vetëm për aq kohë sa kombi të jetë i ndershëm, i sinqertë dhe i virtytshëm.

Frederick Douglass
Tema Komb, Ndershmëri, Siguri, Sinqeritet, Virtyt

Lypsen veshë shumë rezistentë për të dëgjuar dikë të të gjykojë sinqerisht.

Michel de Montaigne
Tema Dëgjim, Gjykim, Sinqeritet

Burri më dinak mund të konsiderohet i barabartë me gruan më të sinqertë.

Pierre Choderlos de Laclos
Tema Burrë, Dinakëri, Grua, Sinqeritet

Sinqeriteti gjendet në pak njerëz dhe shpeshherë është më i mprehti mashtrim, pasi disa tregohen të sinqertë që të fitojnë mirëbesimin dhe të depërtojnë në sekretet e tjetrit.

François de La Rochefoucauld
Tema Mashtrim, Mirëbesim, Sekret, Sinqeritet

Nuk kemi gjë tjetër në zotërimin tonë përveç drejtësisë, vërtetësisë dhe sinqeritetit.

Tenzin Gyatso
Tema Drejtësi, E vërteta, Sinqeritet, Zotërim