Ligj

Ligji nuk mund të vendosë drejtësi kur ai që ka pushtetin ekzekutiv ka në dorë edhe ligjin.

Shekspiri
Tema Drejtësi, Ligj

Ndjenja e turpit të ndalon edhe atë që ligji nuk ta ndalon.

Seneka
Tema Ligj, Ndalim, Turp

Nuk ka shtazë më të egër se njeriun që s’u bindet ligjeve.

Girolamo Savonarola
Tema Ligësi, Ligj, Njeri, Shtazëri

Kodi civil është liria e shprehur përmes formulave ligjore.

Salvatore Satta
Tema Ligj

Ligjeve të gabuara nuk duhet t’u bindemi, përkundrazi, duhet të mos u bindemi derisa ato të ndryshohen.

Matteo Salvini
Tema Ligj, Mosbindje, Ndryshim

Një qeveri mund të ekzistojë fare mirë edhe pa ligje, por ligji nuk mund të ekzistojë pa një qeveri.

Bertrand Russell
Tema Ekzistencë, Ligj, Qeveri

Çdo ligj është një e keqe, sepse çdo ligj është një dhunim i lirisë, dhe qeveria mund të zgjedhë vetëm mes të këqijave.

Jeremy Bentham
Tema E keqja, Ligj, Liri, Qeveri, Zgjedhje

Lumturia më e madhe për numrin më të madh të njerëzve është themeli i moralit dhe i legjislacionit.

Jeremy Bentham
Tema Ligj, Lumturi, Moral, Njerëzim

Si guxojmë të flasim për ligjet e rastësisë? A nuk është rastësia antiteza e çdo ligji?

Bertrand Russell
Tema Ligj, Rastësi

Ky është ligji i dashurisë: duam sepse ndiejmë nevojë të duam, jo për të arritur diçka apo për të marrë diçka në këmbim, përndryshe të mjerët ne.

Rudolf Nureyev
Tema Dashuri, Këmbim, Ligj, Nevojë

Ligji nuk është të shprehurit e një despoti, por vullneti i përbashkët.

Jean-Jacques Rousseau
Tema Bashkim, Ligj, Tirani, Vullnet

Sa më shumë të shtohen ligjet, aq më të urryeshme bëhen.

Jean-Jacques Rousseau
Tema Ligj, Urrejtje

Më jepni kontroll mbi monedhën e një vendi dhe s’më intereson se kush i bën ligjet e tij.

Mayer Amschel Rothschild
Tema Kontroll, Ligj, Para

Ligjet e padrejta janë litarë të lirisë publike dhe aforizma helmues.

Salvator Rosa
Tema Ligj, Liri, Zinxhirë

Askush nuk është mbi ligjin dhe askush nuk është nën të.

Theodore Roosevelt
Tema Ligj

Është e vështirë të përmirësojmë gjendjen tonë ekonomike përmes ligjeve të mira, por është e thjeshtë ta përkeqësojmë atë përmes ligjeve të këqija.

Theodore Roosevelt
Tema Ekonomi, Ligj, Përkeqësim, Përmirësim

Ligjet e njerëzimit duhet të kuptojnë të shkuarën, të tashmen e të ardhmen që mbartim brenda nesh.

Edgar Quinet
Tema E ardhme, E shkuar, E tashme, Kuptim, Ligj

Aty ku nuk arrin shpata e ligjit, mbërrin kamxhiku i satirës.

Pushkini
Tema Ligj, Satirë

Në mungesë të ligjit, ndërgjegjja vepron si ndëshkuese.

Publilius Syrus
Tema Ligj, Ndërgjegje, Ndëshkim

Të shfuqizosh ligjet do të thotë të heqësh mburojat.

Publilius Syrus
Tema Ligj, Mbrojtje