Atdhe

Ushtari duhet të jetë i gatshëm të vdesë për atdhe. Edhe nëse rrezikon jetën.

Henry Monnier
Tema Aforizma argëtuese, Atdhe, Ushtar

Nëse ju e ndani botën në italianë e në të huaj, atëherë unë jam pa atdhe, e sipas së njëjtës logjikë, kërkoj të drejtën ta ndaj botën në të mohuar e të shtypur nga njëra anë, e në të privilegjuar e shtypës nga ana tjetër. Të parët janë atdheu im, e të tjerët janë të huajt e mi.

Lorenzo Milani
Tema Atdhe, Botë, I huaj, Ndarje

Shteti duhet të jetë administrimi i një ndërmarrjeje të madhe që quhet atdhe, që i përket një shoqërie të madhe që quhet komb.

Filippo Tommaso Marinetti
Tema Atdhe, Komb, Shtet

Për atdhe, kam Romën; por si njeri, kam botën.

Mark Aureli
Tema Atdhe, Botë

E dua vendin tim të varfër, sepse është i vetmi që kam parë.

Osip Mandelstam
Tema Atdhe, Patriotizëm, Varfëri

Femrat dhe famullitarët nuk e dinë se cili do të jetë atdheu i tyre dhe as ku do të shkojnë për të ngrënë bukën e tyre.

Frédéric Mistral
Tema Atdhe, Grua

Çdo vend ka të metat e veta, dhe kush e lë vendlindjen për një vend më të mirë, bën një marrëzi të madhe.

Niccolò Forteguerri
Tema Atdhe, Marrëzi, Mërgim, Vend

Nji Atdhe që u sjell të bijve vetëm robni, vuejtje, mundime, tortura e vdekje, nuk asht ma Atdheu i zemrës dhe duhet braktisë me lot ndër sy.

Zef Pllumi
Tema Atdhe, Braktisje, Mërgim, Mundim, Skllavëri, Torturë, Vdekje, Vuajtje

Tregjet nuk kanë atdhe.

Thomas Jefferson
Tema Atdhe, Tregti

Nën petkun e ideologjive bëhen masakra. Për dashurinë ndaj atdheut, urrehen vende të tjera. Mjetet dhe qëllimet nuk kanë asgjë të përbashkët. Ideologjitë dhe besimet fetare janë alibitë e batakçinjve.

Eugène Ionesco
Tema Atdhe, Fe, Ideologji, Masakër, Urrejtje

Zakonet na formojnë të gjithëve. Mendimet tona, morali ynë, bindjet tona më të thella, janë si pasojë e vendit ku kemi lindur.

Aaron Hill
Tema Atdhe, Bindje, Formim, Mendim, Moral, Zakon

Atdheu duhet jo pse është i madh, por pse është i yni.

Abdyl Frashëri
Tema Atdhe, Dashuri, Madhësi, Përkatësi

Atdheu është atdhe, bile edhe atëherë kur të vret.

Mitrush Kuteli
Tema Atdhe, Vrasje

Mëmëdheu qan për trima e burra, por jo për qyqarë e tradhtarë.

Hasan Prishtina
Tema Atdhe, Tradhti, Trimëri

Nëse nuk bëni dot pa fyer dikë, të paktën mos ia përmendni atdheun, familjen apo të afërmit e tij. Sepse është marrëzi e madhe, që për të fyer dikë, të përlyesh shumë të tjerë.

Francesco Guicciardini
Tema Atdhe, Familje, Marrëzi, Ofendim, Të afërm

Në atdhe është i dashur edhe tymi.

Alexander Griboyedov
Tema Atdhe

Për një të moshuar, atdheu është kudo që ka klimë të mirë.

Maksim Gorki
Tema Atdhe, Moshë

Vetëm në mërgim kuptohet se çfarë do të thotë atdhe.

Gustav Freytag
Tema Atdhe, Mërgim

Aty ku ka liri, është atdheu im.

Benjamin Franklin
Tema Atdhe, Liri

Atdheu është si familja, ia kupton vlerën vetëm kur e humbet.

Gustave Flaubert
Tema Atdhe, Familje, Humbje, Vlerë