Fund

Arrin të përfundojë një vepër vetëm ai që vlen më shumë se kjo vepër.

Cesare Pavese
Tema Fund, Vepër

Kolapsi dhe fundi i shoqërive vijnë si pasojë e akumulimit të tepërt të pronës.

Pierre-Joseph Proudhon
Tema Fund, Pronë

Kufiri nuk është ai vendi ku diçka mbaron, por ai vendi ku diçka fillon.

Martin Heidegger
Tema Fillim, Fund, Kufi

Nuk mund të shkosh pas dhe të ndryshosh fillimin, por mund të nisësh këtu ku ndodhesh dhe të ndryshosh fundin.

C. S. Lewis
Tema Fillim, Fund, Ndryshim

Dashuritë janë si perandoritë: kur zhduket ideja mbi të cilën mbështeten, bien bashkë me to.

Milan Kundera
Tema Dashuri, Fund

Mos nis asgjë që nuk mund të mbarosh.

Elfriede Jelinek
Tema Fillim, Fund

Duhet të reshtë krimi, jo hakmarrja.

Prosper Jolyot de Crebillon
Tema Fund, Hakmarrje, Krim

Njeriu rron me kujtimet, kur ka mbaruar së jetuari.

Petro Marko
Tema Fund, Kujtim

Kali i ngadaltë nuk mbërrin gjithmonë në fund të udhëtimit.

Robert Jordan
Tema Fund, Ngadalë

Çdo fund mbart me vete një shpresë, shpresën e një fillimi.

Emmanuel Dongala
Tema Fillim, Fund, Shpresë

Suksesi përmban në vetvete farat e fundit të vet.

Pierre de Coubertin
Tema Farë, Fund, Sukses

Dashuria që nuk ka fund, nuk duhet të quhet dashuri, por ndëshkim i pasosur.

Giambattista Giraldi Cinzio
Tema Dashuri, Fund, Ndëshkim

Si në mbaroftë mirë, si në mbaroftë keq, kurrë nuk dalim nga një histori siç ishim më parë, sepse dashuria na ndryshon.

Umberto Galimberti
Tema Dashuri, Fund, Ndryshim

Mendimi dritëshkurtër i shumicës përcaktohet gjithmonë nga përshtypja e çastit të fundit.

Heinrich von Treitschke
Tema Fund, Mendim, Përshtypje

Kështu pra u mbytka çdo shpresë. Jo me bujë e batërdi. Po ngadalë e për gazep, sikur mbytesh nga ngërçi në ujë të errët. Centim pas centimi.

Shqiptar Oseku
Tema Fund, Shpresë

Kurrë mos e quaj të lumtur një njeri pa e parë se si ai do të zbresë në varr.

Euripidi
Tema Fund, Lumturi

Ende nuk kam parë të përfundojë mirë një njeri të cilit hyjnitë i veshën çdo begati.

Friedrich Schiller
Tema Fat, Fund, Pasuri, Shthurje

Ose mos e nis fare diçka, ose çoje deri në fund!

Ovidi
Tema Fillim, Fund

Një dashuri e përkufizuar, është një dashuri e mbaruar.

André Berthet
Tema Dashuri, Fund, Përkufizim

Mbase historia që përfundon nuk është asnjëherë ajo që fillon.

Salman Rushdie
Tema Fillim, Fund, Histori