Vlerë

Mediokriteti çmon të ngjashmit e vet, por talenti më në fund ua kalon.

David Leavitt
Tema Mediokritet, Talent, Vlerë

Njeriu mediokër fiton vlerë kur bëhet pjesë e një grupi, kurse njeriu i arritur humb vlerë nëse bëhet pjesë e ndonjë grupi.

Gustave Le Bon
Tema Arritje, Mediokritet, Vlerë

Nuk mund të ketë miqësi të vërtetë mes atyre që nuk besojnë në të njëjtat vlera.

Louis Lavelle
Tema Miqësi, Vlerë

Të thuash të vërtetën, të këndosh me pasion, të punosh me dëfrim, të dashurosh me zemër, janë tekefundit, të vetmet gjëra që vlejnë.

Kris Kristofferson
Tema Dashuri, E vërteta, Këngë, Punë, Vlerë

Vlera e një ndërmarrjeje përcaktohet nga vlera e ciklit të jetës së klientëve të saj.

Philip Kotler
Tema Klient, Ndërmarrje, Vlerë

Jeta është vërtet e çmuar, dhe unë mendoj se dënimi me vdekje ndihmon në pohimin e këtij fakti.

Ed Koch
Tema Dënimi me vdekje, Jetë, Vlerë

Vlerat janë koncepte të të dëshirueshmes.

Clyde Kluckhohn
Tema Vlerë

Shkenca merret kryesisht me fakte. Feja merret kryesisht me vlera.

Martin Luther King
Tema Fakt, Fe, Shkencë, Vlerë

Një vajzë që e ka humbur nderin e saj, sado e bukur qoftë, nuk ka më vlerë pastaj.

Niccolò Forteguerri
Tema Bukuri, Grua, Ndershmëri, Vlerë

Disa kokave të mëdha nuk u njihen vlerat ngaqë nuk ka standarde me të cilat t’i masim.

Joseph Joubert
Tema Matje, Standard, Vlerë

Nëse i trajtojmë vlerat tona më të rëndësishme si relikte të kota, pikërisht ashtu do të bëhen.

Michael Josephson
Tema Kotësi, Vlerë

Ata që përpiqen por dështojnë vlejnë më shumë se ata që kanë sukses pa bërë gjë.

Jenkins Lloyd Jones
Tema Dështim, Përpjekje, Sukses, Vlerë

Lumturia e vërtetë nuk varet nga numri i miqve, por nga cilësia dhe vlera e tyre.

Samuel Johnson
Tema Lumturi, Miqësi, Numër, Vlerë

Nuk ka gabim më të madh se përfundimin e ngutur sipas të cilit mendimet nuk kanë vlerë ngaqë janë të argumentuara dobët.

Thomas Henry Huxley
Tema Argument, Mendim, Vlerë

Shkenca është një vlerë mes vlerave të tjera me merita të barabarta.

Edmund Husserl
Tema Shkencë, Vlerë

Disa njerëz mendojnë se vlejnë një thes me para, vetëm ngaqë ata kanë një thes me para.

Fannie Hurst
Tema Para, Vlerë

Një qenie ka aq vlerë sa ç’është në gjendje të ndihmojë të tjerët.

L. Ron Hubbard
Tema Ndihmë, Njeri, Të tjerët, Vlerë

Librat duhet të na kushtojnë lodhje, përndryshe nuk shërbejnë për asgjë.

Nick Hornby
Tema Libër, Lodhje, Vlerë

Vlera e jetës matet me herët që shpirti yt është emocionuar thellësisht.

Sōichirō Honda
Tema Emocion, Jetë, Vlerë

Njeriu që shqetësohet gjithnjë nëse shpirti i tij do të mallkohet apo jo, zakonisht ka një shpirt që nuk vlen asgjë.

Oliver Wendell Holmes Jr.
Tema Mallkim, Shpirt, Shqetësim, Vlerë