Kundërshtim

Të shkosh kundër mendimit dominues të miqve të tu, të shumë prej njerëzve që sheh çdo ditë, është ndoshta akti heroik më i vështirë që mund të bësh.

Theodore H. White
Tema Heroizëm, Kundërshtim, Miqësi

Unë nuk e kundërshtoj shpirtëroren me racionalen, pasi shpirtërorja është kulmi i racionales.

Benjamin Whichcote
Tema Kundërshtim, Racional, Shpirt

Mos ki frikë nga ai që bën replikë, por nga ai që bën bisht.

Marie von Ebner-Eschenbach
Tema Frikë, Kundërshtim, Shmangie

Pushtuesi është përherë ithtar i paqes; ai do të preferonte ta pushtonte vendin tënd pa kundërshtime.

Carl von Clausewitz
Tema Kundërshtim, Paqe, Pushtues

Mund të pranohen vetëm këshilla të mira, me kusht që të mos bien ndesh me mendimet vetjake.

Bettina von Arnim
Tema Këshillë, Kundërshtim, Mendim, Pranim

Mos është kundër arsyes apo kundër drejtësisë dashuria ndaj vetvetes? E përse ajo na qenkësh patjetër një ves?

Luc de Clapiers de Vauvenargues
Tema Arsye, Dashuri, Drejtësi, Kundërshtim, Ves, Vetvetja

Nganjëherë kundërshtimet lindin thjesht nga fakti se ai që i bën, nuk është i njëjti me atë që ka gjetur idenë të cilën lufton.

Paul Valéry
Tema Ide, Kundërshtar, Kundërshtim

Ndërgjegjja nuk pranon kurrfarë arsyeje e të kthehet gjithmonë kundër, në çdo rast.

Mark Twain
Tema Arsye, Kundërshtim, Ndërgjegje

Je dashuruar atëherë kur nis të veprosh kundër interesit personal.

François Truffaut
Tema Dashuri, Interes, Kundërshtim

Për femrat dhe fëmijët, liri do të thotë të kundërshtosh.

Paul-Jean Toulet
Tema Fëmijë, Grua, Kundërshtim, Liri

Shkruaj komedi sepse dialogu është mënyra më e respektueshme për të kundërshtuar vetveten.

Lily Tomlin
Tema Dialog, Kundërshtim, Vetvetja

Të gjitha femrat heshtin, duke pritur një kundërshtim, kur tregojnë moshën e tyre.

Leon Tolstoi
Tema Grua, Heshtje, Kundërshtim, Moshë

Lufta është një akt që bie në kundërshtim me gjykimin njerëzor.

Leon Tolstoi
Tema Gjykim, Kundërshtim, Luftë

Natyra kujdeset çdo çast për mirëqenien tuaj. Ajo nuk ka qëllime të tjera. Mos iu kundërvini asaj.

Henry David Thoreau
Tema Kundërshtim, Mirëqenie, Natyrë

Më pëlqen të citoj Ajnshtajnin sepse askush nuk guxon ta kundërshtojë.

Studs Terkel
Tema Aforizma argëtuese, Citim, Kundërshtim

A nuk e di se si është femra? Ajo ikën, e kur ikën, do që ta ndjekin; mohon, e kur mohon, do që të këmbëngulin; kundërshton, e kur kundërshton, do që ta bëjnë për vete.

Torquato Tasso
Tema Grua, Ikje, Joshje, Këmbëngulje, Kundërshtim, Mohim, Ndjekje

Personi që ke më shumë frikë të kundërshtosh është vetja jote.

Nassim Nicholas Taleb
Tema Kundërshtim, Vetvetja

Nuk donte të ishte pjesë e turmës. Tani është pjesë e turmës që nuk do të jetë pjesë e turmës.

Guido Sperandio
Tema Bashkim, Kundërshtim, Turmë

Detyra e opozitës është shumë e thjeshtë: të kundërshtojë çdo gjë e të mos propozojë asgjë.

Edward Smith-Stanley
Tema Kundërshtim, Opozitë

Edhe ai që shkon kundër modës është skllav i saj.

Logan Pearsall Smith
Tema Kundërshtim, Modë, Skllavëri