Gjykim

Gjithnjë do të jesh i gjykuar, si u solle mirë, si u solle keq; kështu që mos e vrit mendjen dhe jeto si ta ketë qejfi; dhe sidomos, mos ia vër veshin askujt.

Alberto Sordi
Tema Gjykim, Sjellje, Të tjerët

Një akuzë e rreme përgënjeshtrohet menjëherë, dhe sjelljet e ardhshme u japin arsye gjykimi sjelljeve të shkuara.

Jeronimi
Tema Akuzë, Gjykim, Përgënjeshtrim, Sjellje

Ndoshta duhet të njohësh errësirën para se të mund të çmosh dritën.

Madeleine L’Engle
Tema Dritë, Errësirë, Gjykim, Njohje

Para se të gjykoni të tjerët, sigurohuni që të jeni një shembull.

Prevale
Tema Gjykim, Shembull, Të tjerët

Nuk do të gjykohemi për dështimet tona, por për ndryshimin që kemi arritur të sjellim në botën ku jetojmë.

Mark Zuckerberg
Tema Dështim, Gjykim, Ndryshim

Gjykojnë mirë vetëm ata që shqyrtojnë, që krahasojnë dhe që s’e largojnë kurrë mëshirën nga vendimi që shqipton goja e tyre.

William Wordsworth
Tema Gjykim, Kujdes, Vendim

Ajo çfarë jemi është e shkuara jonë. Vetëm përmes së shkuarës mund t’i gjykojmë njerëzit.

Oscar Wilde
Tema E shkuar, Gjykim

Në vegjëli fëmijët i duan prindërit, por më vonë i gjykojnë; dhe shumë rrallë, në mos kurrë, edhe i falin.

Oscar Wilde
Tema Dashuri, Falje, Fëmijë, Gjykim, Prind

Gratë me gjykim janë çuditërisht pa kurrfarë personaliteti.

Oscar Wilde
Tema Gjykim, Grua, Personalitet

Gjykimi i mirë është gjenialitet pa ndërlikime.

Alfred North Whitehead
Tema Gjenialitet, Gjykim

Nëse je një njeri i rreptë e me karakter të ashpër, nuk mund të jesh kurrë një gjykatës kompetent.

Izaak Walton
Tema Gjykim, Karakter, Kompetencë

Edhe pas njëzetepesë vitesh martesë është ende shpejt për të thënë nëse dy veta kanë bërë mirë që janë martuar.

Marie von Ebner-Eschenbach
Tema Gjykim, Kohëzgjatje, Martesë

Një paragjykim është një mendim pa gjykim.

Volteri
Tema Gjykim, Mendim, Paragjykim

S’është se vetëvrasja është përherë çmenduri, por zakonisht askush nuk e vret veten nga tepria e gjykimit.

Volteri
Tema Çmenduri, Gjykim, Vetëvrasje

Njerëzit nuk duhen gjykuar për atë që nuk dinë, por për atë që dinë, e për mënyrën në të cilën e dinë.

Luc de Clapiers de Vauvenargues
Tema Dituri, Gjykim, Mënyrë, Njeri

Atij që vendos me tahmin, nuk i prihet më ters se atij që i pleqëron gjërat gjatë.

Paul Valéry
Tema Gjykim, Ters

Nuk ka hua më të madhe se atë të një veshi të gjykueshëm.

Frank Tyger
Tema Borxh, Gjykim, Veshë

Të mësosh të dëgjosh fjalët e të tjerëve, të lexosh libra dhe të pezullosh gjykimin, këto janë mjetet për të arritur aftësinë e gjykimit që kishin të moçmit.

Yamamoto Tsunetomo
Tema Dëgjim, Gjykim, Lexim, Të tjerët

Dashuria që nis me gjykime, mbaron me llogaritje.

Niccolò Tommaseo
Tema Dashuri, Gjykim, Llogari

Lufta është një akt që bie në kundërshtim me gjykimin njerëzor.

Leon Tolstoi
Tema Gjykim, Kundërshtim, Luftë