Ndëshkim

Hakmarrja është një akt pasioni; ndëshkimi është një akt drejtësie. Fyerjen e pret hakmarrja, krimin e pret ndëshkimi.

Joseph Joubert
Tema Drejtësi, Hakmarrje, Krim, Ndëshkim, Ofendim, Pasion

Ndeshjet fitohen dhe humben në stërvitje.

Phil Jackson
Tema Ndëshkim, Stervitje

Njerëzit nuk ndëshkohen për fajet e tyre, por nga fajet e tyre.

Elbert Hubbard
Tema Faj, Ndëshkim

U mbetet përherë njerëzve esëll të paguajnë për mëkatet e të dehurve.

Khaled Hosseini
Tema Dehje, Drejtësi, Mëkat, Ndëshkim, Padrejtësi, Pagesë

Jemi të dënuar të jetojmë fillimisht duke shikuar përpara e pastaj duke shikuar mbrapa.

Christopher Hitchens
Tema E ardhme, E shkuar, Ndëshkim

S’është e drejtë që njerëzit të ndëshkohen për natyrën e tyre. A është e mundur që Zoti të ketë krijuar gjithë këta homoseksualë vetëm e vetëm që t’i mundojë e t’i shkatërrojë?

Christopher Hitchens
Tema Gay, Natyrë, Ndëshkim, Zot

Çdo njeri është gjykatës i vetvetes, dhe vetndëshkohet siç e ka hak.

Patricia Highsmith
Tema Gjykatës, Ndëshkim, Vetvetja

Secili mëkat mbart me vete edhe dënimin e vet.

George Herbert
Tema Mëkat, Ndëshkim

Institucionet janë më të korruptuara se individët, sepse kanë më shumë pushtet për të bërë të keqen dhe janë më pak të ekspozuara ndaj ndëshkimit.

William Hazlitt
Tema Institucion, Korrupsion, Ndëshkim, Pushtet

As sa për sy e faqe, mos i dëno kurrë ata që nuk do të imitosh.

Guillaume de Saint-Thierry
Tema Imitim, Ndëshkim

Humori i të dënuarve me vdekje është një shenjë force: për të dobëtin e të tremburin, frika është më pak e tmerrshme nëse ai arrin të qeshë.

Vasily Grossman
Tema Dënimi me vdekje, Dobësi, Frikë, Ndëshkim, Qeshje

Kush mbërrin shumë vonë, ndëshkohet nga jeta.

Mihail Gorbaçov
Tema Mbërritje, Ndëshkim, Vonë

Lypset përpjekje më e vogël për të dënuar sesa për të menduar.

Emma Goldman
Tema Mendim, Ndëshkim

Gjykatësi që nuk di të ndëshkojë, më në fund bëhet shok i kriminelit.

Gëte
Tema Gjykatës, Krim, Ndëshkim

Siç ka virtyti shpërblimin, vesi ka ndëshkimin.

Thomas Fuller (shkrimtar)
Tema Ndëshkim, Shpërblim, Ves, Virtyt

Ligji nuk arrin të bindë aty ku nuk arrin të ndëshkojë.

Thomas Fuller
Tema Bindje, Ligj, Ndëshkim

Krimi e mbart dënimin në vetvete; ai që shton ligji është ose i pamjaftueshëm, ose i tepërt.

Anatole France
Tema Krim, Ligj, Ndëshkim

Ndërgjegjja është një mik që të këshillon paraprakisht, e jo një gjykatës që të ndëshkon më vonë.

Denis Fonvizin
Tema Gjykim, Këshillë, Ndërgjegje, Ndëshkim

Po të doja të dënoja një vend, do ta lija nën qeverisjen e filozofëve.

Frederiku i Madh
Tema Filozofi, Ndëshkim

Njeriu që zotëron një gjë, pastaj do të dojë dy, pastaj tri e pastaj të gjitha gjërat mbi tokë. Në këmbim do të marrë dënimin që e pret, pasi askush nuk mund të zotërojë gjithë botën.

Giorgio Faletti
Tema Botë, Gjëra, Ndëshkim, Zotërim