Lumturi

Unë kam qenë i pasur e i palumtur, dhe kam qenë i varfër e i palumtur. I pasur ishte më mirë.

Burt Reynolds
Tema Aforizma argëtuese, Lumturi, Më mirë ... se, Pasuri, Varfëri

Bota është kaq tërësisht e mrekullisht e pakuptimtë saqë të arrish të jesh i lumtur nuk është fat, por art i kulluar.

René Magritte
Tema Art, Botë, Fat, Kuptim, Lumturi

Nuk mjafton të jesh i lumtur. Duhet edhe që të tjerët të mos jenë.

Jules Renard
Tema Lumturi, Të tjerët, Vetvetja

Jam një njeri i lumtur, ngaqë kam hequr dorë nga lumturia.

Jules Renard
Tema Dorëheqje, Lumturi

Po të ndërtohej shtëpia e lumturisë, dhoma më e madhe do të ishte dhoma e pritjes.

Jules Renard
Tema Lumturi, Pritje

Kur mendoj për të gjithë librat që më kanë mbetur për të lexuar, kam sigurinë se jam ende i lumtur.

Jules Renard
Tema Lexim, Libër, Lumturi

Shpresat tona na lumturojnë më shumë deri para se të përmbushen.

Paul Rée
Tema Lumturi, Përmbushje, Shpresë

Lumturia është një mënyrë të jetuari, jo një pasojë.

Prem Rawat
Tema Jetë, Lumturi, Mënyrë, Pasojë

Lumturia është gjendja që rrjedh nga realizimi i vlerave vetjake.

Ayn Rand
Tema Lumturi, Realizim, Vlerë

Lumturia është egoiste.

Raymond Radiguet
Tema Egoizëm, Lumturi

Dashuria kërkon ta ndajë lumturinë e saj.

Raymond Radiguet
Tema Dashuri, Lumturi, Ndarje

S’është turp të jetosh lumturisht një jetë të qetë.

Daniel Radcliffe
Tema Lumturi, Qetësi

Rruga drejt lumturisë nuk niset nga njerëzit e gjërat për të mbërritur tek ti, por niset nga ti drejt të tjerëve.

Michel Quoist
Tema Gjëra, Lumturi, Të tjerët, Vetvetja

Është një ngushëllim i madh të dimë se e kemi merituar lumturinë.

Kuintiliani
Tema Lumturi, Meritë, Ngushëllim

Njerëzve të lumtur u është e vështirë të gjykojnë drejt mjerimin e të tjerëve.

Kuintiliani
Tema Gjykim, Lumturi, Mjerim

S’është i lumtur ai të cilit fati s’ka ç’t’i japë më, por ai të cilit fati s’ka ç’t’i heqë më.

Francisco de Quevedo
Tema Dhënie, Fat, Heqje, Lumturi

Të kesh pranë dashuri e verë, kjo është lumturia e jetës.

Pushkini
Tema Dashuri, Lumturi, Verë

Si surrogat të mirë të lumturisë, qielli na dhuroi zakonin.

Pushkini
Tema Lumturi, Zakon, Zëvendësues

Lumturia e të keqit është palumturia e të mirit.

Publilius Syrus
Tema E keqja, E mira, Lumturi, Palumturi

Pyete veten nëse je i lumtur dhe i lumtur s'do të jesh më.

John Stuart Mill
Tema Lumturi, Pyetje, Vetvetja