Sado e rrallë të jetë dashuria e vërtetë, miqësia e vërtetë është edhe më e rrallë. Tema Dashuri, Miqësi
Në miqësi, ashtu si në dashuri, shpesh na bën më të lumtur ajo që nuk dimë sesa ajo që dimë. Tema Dashuri, Lumturi, Miqësi
Asnjë maskim nuk mund ta fshehë për shumë kohë dashurinë atje ku ajo është, dhe as ta shfaqë atje ku ajo nuk është. Tema Dashuri, Maskë, Shtirje
Rrëfejmë vetëm të metat e vogla, që t'i bindim të tjerët se nuk kemi më të mëdha. Tema Dinakëri, Mangësi
Po të mos kishim të meta, nuk do të na jepte aq kënaqësi t'i vërenim te të tjerët. Tema Mangësi, Të tjerët
Shqetësohemi më shumë që të tjerët të mendojnë se jemi të lumtur sesa të jemi të lumtur vërtet. Tema Lumturi, Shtirje
Kush mburret me origjinën e vet, lëvdon diçka që një tjetri i përket. Tema Lëvdatë, Mburrje, Prejardhje
Lavdia njerëzore duhet gjykuar gjithmonë nga mjetet që janë përdorur për ta arritur. Tema Lavdi, Madhështi
Kohëzgjatja e pasioneve tona nuk varet prej nesh më shumë se kohëzgjatja e jetës sonë. Tema Kohëzgjatje, Pasion
Synimi për të mos mashtruar kurrë askënd na ekspozon ndaj rrezikut që të mashtrohemi shpesh. Tema Mashtrim, Të tjerët, Vetvetja
Të gjitha pasionet na shtyjnë të bëjmë gabime, por dashuria na shtyn të bëjmë gabimet më qesharake. Tema Dashuri, Gabim, Pasion
Qëndrueshmëria e të mençurve nuk është gjë tjetër veçse arti i mbajtjes së trazimit të tyre të mbyllur në zemër. Tema Forcë, Shqetësim
Për të qenë njeri i madh duhet të dish të nxjerrësh përfitime nga çdo gjë që zotëron. Tema Fitim, Madhështi
Askujt nuk i duket fati aq i verbër sa njeriut që nuk ka përfituar prej tij. Tema Fat, Fitim, Verbëri
E mira që sjell e vërteta nuk është aq e madhe sa e keqja që sjell ajo që ngjan si e vërtetë. Tema E keqja, E mira, Ngjashmëri, Vërtetësi
Te shumica e njerëzve, dashuria për drejtësinë s'është gjë tjetër veçse frika për të pësuar padrejtësi. Tema Drejtësi, Frikë, Padrejtësi
