Seneka

Timonieri i aftë vazhdon të lundrojë edhe me velën rrecka-rrecka.

Tema Aftësi, Vështirësi

I fortë është ai që zotëron vetveten.

Tema Forcë, Vetvetja

Mëso t’i pëlqesh vetes sate! Ka më shumë rëndësi ajo që ti mendon për veten tënde se ajo që të tjerët mendojnë për ty.

Tema Mendim, Të tjerët, Vetvetja

Askush nuk është vërtet i lirë, nëse është skllav i trupit të vet.

Tema Liri, Skllavëri, Vetvetja

Pengesa më e madhe e jetës është pritja, që projektohet në të nesërmen, por çon dëm të sotmen.

Tema E ardhme, E tashme, Pengesë, Pritje

Nëse dëshiron të kesh lirinë e vërtetë, duhet të bëhesh shërbëtor i filozofisë.

Tema Filozofi, Liri

Ti i pari mos e thuaj, çfarë nuk do që të thotë tjetri.

Tema Sekret

Mjerë koka e drejtuar nga bishti.

Tema Dituri, Injorancë, Qeverisje

S’është se kemi kohë pak, por humbim shumë.

Tema Kohë

Nga njeriu i madh mund të mësosh edhe kur ai hesht.

Tema Heshtje, Madhështi, Mësim

Fati ndihmon guximtarët, përtaci pengohet vetë.

Tema Aforizma argëtuese, Fat, Pengesë, Përtaci

Vështirësitë përforcojnë mendjen ashtu siç forcon lodhja trupin.

Tema Forcë, Mendje, Vështirësi

Nuk është ngaqë gjërat janë të vështira që nuk guxojmë; janë të vështira ngaqë nuk guxojmë.

Tema Fillim, Vështirësi

Pasuritë janë në zotërimin e të mençurit, ndërsa budallain e zotërojnë.

Tema Pasuri, Zotërim

Nëse dua të zgërdhihem me ndonjë torollak, s’kam nevojë ta kërkoj larg, zgërdhihem me veten time.

Tema Aforizma argëtuese, Torollak, Vetvetja

E gjatë është rruga e të mësuarit përmes teorisë, e shkurtër dhe e frytshme përmes shembullit.

Tema Mësim, Shembull, Teori

Vlera, kur sfidohet, shumëzohet.

Tema Sfidë, Vlerë

Një pjesë e madhe e progresit qëndron në dëshirën për progres.

Tema Përparim

Askush nuk është i palumtur, veçse për faj të vet.

Tema Palumturi, Vetvetja

Asnjë erë nuk është në favor të atij që nuk di në cilin port të shkojë.

Tema Ndihmë, Orientim