Josemaría Escrivá de Balaguer

Vështirësitë janë bërë që t’i kapërcejmë, jo që të na detyrojnë të dorëzohemi.

Tema Dorëheqje, Vështirësi

Mos e jep kurrë mendimin tënd nëse nuk ta kërkojnë, edhe nëse mendon se mendimi yt është më i drejti.

Tema Mendim

Për të kuptuar se sa qesharake është ta marrësh modën si një kriter sjelljeje, mjafton të shohësh ndonjë portret të vjetër.

Tema Modë, Sjellje

Ji ti vetë, armiku më i madh i vetes sate.

Tema Armiqësi, Vetvetja

Ta kesh të qartë: ti nuk ke dështuar; thjesht ke fituar përvojë.

Tema Dështim, Përvojë

Nëse koha do të ishte ar, edhe mund t’ia lejoje vetes që ta humbisje. Por koha është jetë, dhe ti nuk e di se sa kohë të mbetet akoma.

Tema Humbje, Kohë

Kur diçka të mungon nuk është se je më pak i lumtur se kur e ke me bollëk.

Tema Lumturi, Mungesë, Pasuri, Varfëri

“Gjithmonë”, “përjetësisht”, janë fjalë gënjeshtare mbi tokë, ku çdo gjë kalon e mbaron.

Tema Përjetësi

Mos e ki frikë të vërtetën, edhe nëse ajo të kushton jetën.

Tema Frikë, Vërtetësi

Gjëja që vërtet e bën të palumtur një njeri, madje edhe krejt një shoqëri, është kërkimi i mundimshëm dhe egoist i mirëqenies.

Tema Lumturi, Mirëqenie, Shoqëri

Të jesh i bindur se nuk ekziston qesharakja për njeriun që bën më të mirën që mundet.

Tema Qesharak

Si mund t’u thuash të tjerëve ta mbajnë sekretin tënd, kur kjo është prova që as ti vetë s’ke mundur ta mbash?

Tema Sekret, Të tjerët

Ëndërroni, dhe realiteti do t’ua kalojë ëndrrave tuaja.

Tema Ëndërr, Realitet

Nëse të jep bezdi e vërteta, atëherë përse pyet? Apo ndoshta që të përgjigjen sipas së vërtetës sate, për të justifikuar lajthitjet e tua?

Tema Bezdi, Pyetje, Vërtetësi

Pa vështirësi, angazhimet tona humbasin çdo kuptim. Nëse gozhda që ngul në mur nuk gjen rezistencë, çfarë mund të mbajë ajo?

Tema Vështirësi

Miqësia e vërtetë nënkupton edhe përpjekjen e sinqertë për të kuptuar bindjet e miqve tanë, ndonëse nuk arrijmë t’i pranojmë apo t’i mbështesim.

Tema Miqësi, Mirëkuptim

Ka nga ata që nuk dëgjojnë dhe as duan të dëgjojnë gjë tjetër përveç fjalëve që kanë të ngulitura në kokën e tyre.

Tema Dëgjim, Kokëfortësi

Mos thuaj që vartësi yt s’është i aftë. Je ti që s’je i aftë t’i gjesh vendin ku ai të japë maksimumin.

Tema Aftësi, Vartës

Nëse nuk ke një plan për jetën, nuk do të kesh kurrë rregull.

Tema Planifikim, Rregull

Mos i gjykoni gjërat nga vogëlsia e fillimit, sepse nuk përcaktohen nga rendi i madhësisë farat e bimëve njëvjeçare nga ato të pemëve shekullore.

Tema Fillim, Gjykim