Astrologët janë njerëz fatlumë: fitojnë aq shumë famë me një të vërtetë të hamendësuar saqë as njëqind gënjeshtrat pasuese nuk ua heqin dot. Tema Astrologji, Famë, Gënjeshtër, Hamendje, Vërtetësi
Kush di të gjykojë nuk mund të mohojë që në çështjet njerëzore fati ka ndikim të madh. Tema Fat, Ndikim
Nuk ka njeri aq të zgjuar saqë të mos bëjë gabime. Por të zgjuarit përpiqen të përmirësojnë vetveten, të bëjnë gabime më të vogla, nëse nuk mund t’i shmangin. Tema Gabim, Mençuri, Përmirësim
Mos lejoni që mosmirënjohja e disave t’u shkurajojë në bamirësinë ndaj njerëzve, sepse mjafton mirënjohja e pak vetave për të shlyer mosmirënjohjen e të gjithë të tjerëve. Tema Bamirësi, Mirënjohje, Mosmirënjohje, Shkurajim
Nuk ka gjë më të keqe në botë se mendjelehtësinë, sepse njerëzit mendjelehtë janë të gatshëm për çdo gjë, sado e trishtë, e rrezikshme apo e dëmshme qoftë ajo. Prandaj, shmangini si zjarrin. Tema Dëm, Mendjelehtësi, Rrezik, Shmangie
Mos ia thuaj askujt gjërat që nuk dëshiron të merren vesh, sepse njerëzit dërdëllisin për arsye të ndryshme, kush nga mangësia, kush nga dhelpëria e kush sa për të thënë diçka. Tema Arsye, Llafazan, Sekret
Vetëm ai që u bën ballë me guxim rreziqeve të papritura mund të quhet vërtet sypatrembur. Tema Befasi, Guxim, Rrezik
Fati, jo vetëm që ndryshon nga njëri tek tjetri, por ndryshon edhe tek i njëjti individ, sepse mund të jesh fatmirë në një gjë, por fatkeq në një tjetër. Tema Fat, Fatkeqësi, Ndryshim
Nëse nuk bëni dot pa fyer dikë, të paktën mos ia përmendni atdheun, familjen apo të afërmit e tij. Sepse është marrëzi e madhe, që për të fyer dikë, të përlyesh shumë të tjerë. Tema Atdhe, Familje, Marrëzi, Ofendim, Të afërm
Bëni çmos që të dukeni njerëz të mirë, sepse kjo gjë ndihmon shumë. Por duke qenë se shtirja nuk mund të zgjasë, është e vështirë të dukeni të mirë për shumë kohë, nëse nuk jeni vërtet të tillë. Tema E mira, Kohëzgjatje, Shtirje
Nuk ka gjë në botë që njerëzit dëshirojnë apo shijojnë më shumë sesa të shohin armikun e tyre të zhgërryer përtokë. Këtë kënaqësi e dyfishon ai që tregohet i mëshirshëm me ta. Tema Armiqësi, Kënaqësi, Mëshirë, Mposhtje
Kushdo që ka ndërmarrë nisma e ka vënë re se nëpërmjet përvojës arrihen rezultate që nuk arrihen ndryshe. Tema Përvojë, Rezultat
Një nga mënyrat për të pasur mbështetjen e dikujt që i kundërvihet planit tënd, është të caktosh atë për ta zbatuar. Tema Kundërshtim, Planifikim
Të njëjtat proverba, ndonëse me fjalë të ndryshme, gjenden në të gjitha kombet, sepse ato lindin nga përvoja, që është pak a shumë kudo njësoj. Tema Aforizmë, Përvojë, Proverb
Gjërat që i dëshirojmë gjatë nuk e sjellin kurrë gjithë atë lumturi që presim prej tyre. Tema Dëshirë, Kohëzgjatje, Lumturi, Pritshmëri, Zhgënjim
Më shumë lavdi të sjell një para që ke në xhep sesa dhjetë që ke shpenzuar. Tema Kursim, Lavdi, Para, Shpenzim
Më e vështirë është ngjitja nga shtresa e ulët te e mesmja, sesa nga e mesmja te e larta. Tema Lartësi, Ndarje, Pasuri
Ai që e vlerëson shumë nderin, i ndodh çmos, sepse ai nuk u jep rëndësi as lodhjeve, as rreziqeve dhe as parave. Tema Ndershmëri, Rrezik
Fatmirësia është nganjëherë armiku më i madh i njeriut, sepse kjo i bën atë arrogant, të keq. Por ka më shumë shanse që njeriu t’i bëjë ballë fatmirësisë sesa fatkeqësisë. Tema Armiqësi, Fat, Fatkeqësi, Njeri, Përballje
