George Orwell

Zakonisht, sa më shumë di, aq më i zhgënjyer je: njeriu më inteligjent është njëkohësisht edhe njeriu më i sëmurë mendërisht.

Tema Çmenduri, Dituri, Mençuri, Sëmundje, Zhgënjim

Liri është të mund të thuash që dy plus dy bëjnë katër. Nëse lejohet kjo, pjesa tjetër rrjedh natyrshëm.

Tema Leje, Liri, Ndalim

Secili brez mendon se është më i mençur se brezi paraardhës dhe më i urtë se brezi pasardhës.

Tema Brez, Mençuri, Paraardhës, Pasardhës, Urtësi

Jeta është kryesisht vuajtje, dhe vetëm kush është shumë i ri apo shumë i pamend, imagjinon të kundërtën.

Tema E kundërt, Jetë, Pamendësi, Rini, Vuajtje

Të gjitha opinionet e një sentimentalisti mbështeten te ndjenja dhe, sapo përballen me realitetin, janë të destinuara të kthehen në të kundërtën e tyre.

Tema Opinion, Realitet, Sentimentalizëm

E gjithë propaganda e luftës, britmat, gënjeshtrat dhe urrejtja, vjen gjithmonë nga ata që nuk luftojnë.

Tema Gënjeshtër, Luftë, Propagandë, Urrejtje

Lufta është një e keqe, por shpeshherë është e keqja më e vogël.

Tema E keqja, Luftë

E gjithë propaganda është gënjeshtër, edhe kur thotë të vërtetën.

Tema Mashtrim, Propagandë, Vërtetësi

Zakonisht, nëse njeriu njihet për diçka në këtë botë, njihet për diçka që nuk e meriton aspak.

Tema Meritë, Njohje

Si për fenë e krishterë, ashtu edhe për socializmin, publiciteti më i keq janë ndjekësit e tij.

Tema Aforizma argëtuese, Krishtërim, Ndjekje, Publicitet, Socializëm

Nëse doni një imazh të së ardhmes, imagjinoni një çizme që shkel mbi një fytyrë njerëzore, përgjithmonë.

Tema E ardhme, Njeri, Shtypje

Shteti totalitar bën çmos për të kontrolluar mendimet dhe emocionet e nënshtetasve të vet, madje edhe më shumë se ç’bën për të kontrolluar veprimet e tyre.

Tema Emocion, Kontroll, Mendim, Totalitarizëm, Veprim

Nuk ndodhte pothuajse asnjëherë që dikush i cili njollosej me krime politike të procesohej.

Tema Krim, Ndëshkim, Politikë

Në mbarë botën, qindra miliona njerëz jetojnë të njëjtën jetë: të shkëputur nga njëri-tjetri, të paditur për ekzistencën e të tjerëve, duke jetuar në botë të ndryshme, e megjithatë pothuajse krejtësisht të njëjtë.

Tema Gënjeshtër, Ndarje, Urrejtje

Përvoja më ka mësuar se mund të kryejmë gabime pavarësisht vullnetit tonë.

Tema Gabim, Përvojë, Vullnet

Nëse mendimi e shthur gjuhën, edhe gjuha mund ta shthurë mendimin.

Tema Gjuhë, Mendim, Shthurje

Mendimtarët e politikës zakonisht ndahen në dy kategori: utopistët me kokën në re dhe realistët me këmbët në llucë.

Tema Mendimtar, Politikë, Realitet, Utopi

Të dish ku të shkosh e të dish si të shkosh janë dy procese mendore të ndryshme, që rrallëherë shkrihen tek i njëjti person.

Tema Dituri, Proces, Rrugë

Ta pranosh qytetërimin për atë që është do të thotë, pak a shumë, të pranosh dekadencën.

Tema Dekadencë, Pranim, Qytetërim

Qeniet njerëzore duan të sillen si qenie njerëzore, e jo si ingranazhe të makinës kapitaliste.

Tema Kapitalizëm, Njeri