Mosmirënjohja e atyre që ke ndihmuar mos të të bëjë të pendohesh për të mirën që ke bërë; por të të mësojë ta bësh me zemër më të pastër, pa pritur asgjë.

Niccolò Tommaseo
Tema E mira, Mosmirënjohje, Pendim, Pritshmëri

Ligjet e këqija janë kufizime për të dobëtin, mjete për të fortin, shenja të së mirës për askënd, veçse duke treguar të kundërtën.

Niccolò Tommaseo
Tema Dobësi, Forcë, Ligj

Kur shpallet një amnisti e madhe, ka nga ata që pendohen që nuk kanë kryer në kohën e duhur ndonjë krimth që nuk do t’u kushtonte asgjë.

Giovanni Papini
Tema Amnisti, Krim, Pendim

Kur lind dielli, pendohem shumë që nuk kam mëkatuar.

Alda Merini
Tema Mëkat, Pendim

Ta quash gruan seksi i dobët është shpifje; është padrejtësia e burrit ndaj gruas.

Gandi
Tema Burrë, Dobësi, Grua, Shpifje

Shpirt i dobët është ai që gjen shumë arsye për t’i dhënë fund jetës.

Epikuri
Tema Dobësi, Vetëvrasje

Të gjithë jemi të dobët dhe bëjmë gabime. T’ia falim njëri-tjetrit marrëzitë: ky është ligji i parë i natyrës.

Volteri
Tema Dobësi, Falje, Gabim

Pakënaqësia e tepruar me veten është dobësi; kënaqësia e tepruar me veten është marrëzi.

Madeleine de Souvré
Tema Dobësi, Marrëzi, Pakënaqësi, Vetvetja

Udhëheqësi që e zotëron artin e qeverisjes së njerëzve, i shfrytëzon dobësitë e tyre për t’ua frenuar veset.

Pierre-Marc-Gaston de Lévis
Tema Dobësi, Qeveri, Udhëheqje, Ves

Kush i njeh njerëzit, e di se keqardhja për një të keqe të pakryer, por të dobishme, është shumë më e zakonshme se pendesa.

Pierre-Marc-Gaston de Lévis
Tema Dobi, E keqja, Keqardhje, Pendim

Asgjë nuk është më e rrallë se mirësia e vërtetë; ata që besojnë se e kanë, zakonisht kanë vetëm servilizëm ose dobësi.

François de La Rochefoucauld
Tema Dobësi, Mirësi, Servilizëm

Pasionet dhe ndërlikimet e jetës marrin me vete ndershmërinë e të dobtëve.

Robert Louis Stevenson
Tema Dobësi, Ndërlikim, Pasion