Të mashtrosh veten pa e kuptuar është po aq e lehtë sa të mashtrosh të tjerët pa u zbuluar.

François de La Rochefoucauld
Tema Mashtrim, Të tjerët, Vetvetja

Fjala nuk iu dha njeriut për të mashtruar të tjerët, por për të mashtruar veten.

Nicolás Gómez Dávila
Tema Fjalë, Mashtrim, Të tjerët, Vetvetja

Njeriu i hareshëm është shpesh thjesht një fatzi që përpiqet të mashtrojë të tjerët dhe të trullosë vetveten.

Jean-Jacques Rousseau
Tema Hare, Mashtrim, Të tjerët, Vetvetja

Kur je i dashuruar, e nis gjithmonë duke mashtruar veten dhe përfundon gjithmonë duke mashtruar të tjerët. Kjo është ajo që bota quan një histori dashurie.

Oscar Wilde
Tema Dashuri, Mashtrim, Të tjerët, Vetvetja

Synimi për të mos mashtruar kurrë askënd na ekspozon ndaj rrezikut që të mashtrohemi shpesh.

François de La Rochefoucauld
Tema Mashtrim, Të tjerët, Vetvetja

Mënyra më e sigurt për të rënë pre e mashtrimit është ta mendosh veten më dinak se të tjerët.

François de La Rochefoucauld
Tema Dinakëri, Mashtrim, Të tjerët, Vetvetja

Ai që ngjall frikë, nuk mund të mos ketë frikë.

Epikuri
Tema Frikë, Të tjerët, Vetvetja

Flas për të tjerët vetëm që të flas më shumë për veten.

Michel de Montaigne
Tema Të folurit, Të tjerët, Vetvetja

Na pëlqen t'i zhbirojmë të tjerët; por nuk na pëlqen që ata të na zhbirojnë.

François de La Rochefoucauld
Tema Të tjerët, Vetvetja

Shpesh i falim ata që na mërzitin, por nuk mund t'i falim ata që mërziten me ne.

François de La Rochefoucauld
Tema Mërzi, Të tjerët, Vetvetja

Po të mos ia bënim vetes lajka, lajkat e të tjerëve nuk do të mund të na dëmtonin.

François de La Rochefoucauld
Tema Dëm, Lajkë, Të tjerët, Vetvetja

Jemi mësuar aq shumë të shtiremi para të tjerëve, sa në fund shtiremi edhe para vetes sonë.

François de La Rochefoucauld
Tema Shtirje, Të tjerët, Vetvetja