Të fitosh para është një gjë e mirë, por t’i shpenzosh është një ves.

Bertrand Russell
Tema Pasuri, Ves

S’është turp të lindësh i varfër; turp është të varfërohesh për shkak të veseve.

Menandri
Tema Pasuri, Turp, Varfëri, Ves

Nga të gjitha hamendjet e palogjikshme të njerëzimit mbi njerëzimin, asnjë s’ia kalon qortimeve që u bëhen huqeve të varfanjakëve nga ata që jetojnë në rehati e në pasuri.

Herman Melville
Tema Kritikë, Pasuri, Varfëri, Ves

Moda nuk është gjë tjetër veçse huqi kalimtar i njerëzve të pasur e të flashkët që e kanë kthyer studimin e dukjes së jashtme në zanatin e tyre parësor.

Philip Gilbert Hamerton
Tema Modë, Paraqitje, Pasuri, Ves

Lutja: një tjetër ves i vetmisë.

Gesualdo Bufalino
Tema Aforizma argëtuese, Lutje, Ves, Vetmi

Vesi që i përket kapitalizmit është ndarja e pabarabartë e të mirave, kurse virtyti që i përket socializmit është ndarja e barabartë e mjerimit.

Winston Churchill
Tema Aforizma argëtuese, Kapitalizëm, Pasuri, Socializëm, Varfëri, Ves, Virtyt

Ç’ka më të pakuptimtë sesa të mbledhësh më shumë furnizime për udhën, kur të ka mbetur më pak rrugë?

Ciceroni
Tema Jetëgjatësi, Pasuri

Miqësia është dhënë nga natyra për të ndihmuar virtytet, jo për të shoqëruar veset.

Ciceroni
Tema Miqësi, Ves, Virtyt

Vetmia më shkretëron; shoqëria më shtyp.

Fernando Pessoa
Tema Shoqëri, Vetmi

Je vetëm. Askush nuk e di. Hesht dhe shtiru.

Fernando Pessoa
Tema Heshtje, Shtirje, Vetmi

I varfëri i vërtetë është ai që keqpërdor atë që ka. I pasuri i vërtetë është ai që përdor mirë atë që ka.

Mikhail Naimy
Tema Pasuri, Përdorim, Varfëri

Njerëzit, edhe më të mirët, nuk e vënë aq theksin te të pasurit, sa te dëshira që të tjerët të mos kenë ose të kenë më pak.

Umberto Saba
Tema E mira, Pasuri, Varfëri