Xhelozia, zilia dhe krenaria janë sëmundje që e shkatërrojnë qenien njerëzore.

Cella Delavrancea
Tema Krenari, Xhelozi, Zili

Xhelozia është kulmi i egoizmit, është e meta e sedrës, është acarimi i sqimës së rreme.

Balzaku
Tema Egoizëm, Sedër, Sqimë, Xhelozi

Gjëja që e bën aq të theksuar brengën e njerëzve xheloz është se sqima s’i ndihmon dot që ta durojnë.

Stendhal
Tema Dhimbje, Durim, Sqimë, Xhelozi

Në çdo formë të xhelozisë ka më shumë sqimë sesa dashuri.

Paolo Mantegazza
Tema Dashuri, Sqimë, Xhelozi

Xhelozia është e keqja e të këqijave, pasi është e vetmja gjë, përballë së cilës, krenaria është e paaftë.

Jacques Deval
Tema E keqja, Krenari, Xhelozi

Xhelozia është një përzierje dashurie, urrejtjeje, lakmie dhe krenarie.

Alphonse Karr
Tema Dashuri, Krenari, Urrejtje, Xhelozi

Për një sy që di të shohë pak më thellë, modestia është vetëm një formë, madje edhe më e dukshme, e sqimës.

Jules Renard
Tema Modesti, Shikim, Sqimë

Sqima e budallenjve e justifikon sqimën e njerëzve të zgjuar.

Pierre-Marc-Gaston de Lévis
Tema Budalla, Mençuri, Sqimë

Xhelozia është më e madhja nga të gjitha të këqijat; pikërisht ajo ngjall më pak mëshirë te ata që e shkaktojnë.

François de La Rochefoucauld
Tema E keqja, Xhelozi

Vetëm ata që nuk të japin shkak të jesh xheloz e meritojnë xhelozinë tënde.

François de La Rochefoucauld
Tema Meritë, Xhelozi

Po të mos kishim krenari, nuk do të ankoheshim për krenarinë e të tjerëve.

François de La Rochefoucauld
Tema Krenari, Të tjerët

Tradhtia e grave ka një anë të mirë: i shëron ato nga xhelozia.

Jean De la Bruyére
Tema Tradhti, Xhelozi