Kur s’të japin gjë në shtëpinë e të pasurit, në shtëpinë e të varfrit diçka të japin. Ata që kanë shumë, shpesh janë koprracë; ata që kanë pak janë gjithmonë dorëdhënës.

Oscar Wilde
Tema Bujari, Koprraci, Pasuri, Varfëri

Mos qoftë i varfër kush është bujar! Mos qoftë i pasur kush është zuzar!

Saadiu
Tema Bujari, Keqbërës, Pasuri, Varfëri

Të përzgjedhurit e Perëndisë janë të pasurit që kanë përvujtëri sikur të ishin të varfër, dhe të varfrit që kanë zemërgjerësi sikur të ishin të pasur.

Saadiu
Tema Bujari, Pasuri, Përulësi, Varfëri, Zot

Nuk ka gjë që e shteron veten aq sa bujaria: sa më shumë ta ushtrosh, aq më shumë e humbet aftësinë për ta ushtruar, sepse ose përfundon i varfër, ose i përbuzur; e për t’iu shmangur varfërisë, bëhesh grabitqar dhe i urryer.

Niccolò Machiavelli
Tema Babëzi, Bujari, Përbuzje, Varfëri

Mendjet nuk fitohen me armë, por me dashuri dhe bujari.

Baruch Spinoza
Tema Armë, Bujari, Dashuri, Mendje

I varfëri i vërtetë është ai që keqpërdor atë që ka. I pasuri i vërtetë është ai që përdor mirë atë që ka.

Mikhail Naimy
Tema Pasuri, Përdorim, Varfëri

Dhimbja u ka frymëzuar njerëzve më shumë fjalë të fuqishme dhe veprime bujare sesa gëzimi.

Niccolò Tommaseo
Tema Bujari, Dhimbje, Frymëzim, Gëzim

Njerëzit, edhe më të mirët, nuk e vënë aq theksin te të pasurit, sa te dëshira që të tjerët të mos kenë ose të kenë më pak.

Umberto Saba
Tema E mira, Pasuri, Varfëri

Me pasurinë, shtohen shqetësimet. Me varfërinë, nuk pakësohen.

Roberto Gervaso
Tema Pasuri, Shqetësim, Varfëri

Më mirë varfëri me drejtësi sesa pasuri me padrejtësi.

Isokrati
Tema Drejtësi, Padrejtësi, Pasuri, Varfëri

Më mirë të flesh i qetë mbi një shtrojë me gjethe, sesa të jetosh i trazuar në një shtrat floriri.

Epikuri
Tema Luks, Qetësi, Shqetësim, Varfëri

Kur është koha më e mirë për të ngrënë drekë? Nëse je i pasur, kur të duash; nëse je i varfër, kur të mundesh.

Diogjeni
Tema Aforizma argëtuese, Pasuri, Ushqim, Vakt, Varfëri