Varfëria s’është krim. Po të ishte, njerëzit s’do të kishin turp prej saj. Varfëria është një gabim, dhe ndëshkohet si i tillë.

Jerome K. Jerome
Tema Gabim, Krim, Turp, Varfëri

Turpi nuk gjendet tek ndëshkimi, por tek krimi.

Johann Gottfried Herder
Tema Krim, Ndëshkim, Turp

Krimet për të cilat një popull turpërohet përbëjnë historinë e tij të vërtetë. E njëjta gjë vlen për njerëzit.

Jean Genet
Tema Histori, Krim, Popull, Turp

Njerëzit turpërohen më pak për krimet e tyre sesa për dobësitë dhe sedrën e tyre.

Jean De la Bruyére
Tema Dobësi, Krim, Sedër, Turp

Të guximshëm dhe shpirtmëdhenj duhen quajtur ata që e zmbrapsin padrejtësinë, jo ata që e bëjnë.

Ciceroni
Tema Guxim, Krim, Padrejtësi

Nuk ka pse të turpërohesh që ndryshon mendim çdo ditë: për të ndryshuar mendim, duhet të kesh mendime rezervë.

Pitigrilli
Tema Mendim, Turp

Kur shpallet një amnisti e madhe, ka nga ata që pendohen që nuk kanë kryer në kohën e duhur ndonjë krimth që nuk do t’u kushtonte asgjë.

Giovanni Papini
Tema Amnisti, Krim, Pendim

Asnjë krim nuk është vulgar, por çdo vulgaritet është krim. Vulgariteti është sjellja e të tjerëve.

Oscar Wilde
Tema Krim, Të tjerët, Vulgaritet

Ligjet janë si rrjetat e merimangave: kapin mizat e vogla, por grerëzat e mëdha çajnë përmes tyre.

Jonathan Swift
Tema Krim, Ligj

Rrjetat e merimangave kapin mizat, por grerëzat i lënë të ikin.

Soloni
Tema Krim, Madhësi, Vogëlsi

Cepi i dekoltesë së fustanit të një vajze të re, të zbehtë, që hapet sikur të donte të merrte pak ajër, na trazon më shumë se shumë paturpësi.

Jules Renard
Tema Eros, Trazim, Turp

Kam parë plot dënime më kriminale se vetë krimi.

Michel de Montaigne
Tema Krim, Ndëshkim