Mediokritet

Në një libër, si në çdo gjë, ka gjëra të mira, gjëra mediokre e gjëra të këqija.

Marciali
Tema E keqja, E mira, Libër, Mediokritet

Nxënësit e mirë, ata që zakonisht janë tipa mediokër.

Thomas Mann
Tema Mediokritet, Nxënës

Si mund t’i flasim për oqeanin një bretkose që është llapashitur gjithë jetën në moçal?

Anthony de Mello
Tema Injorancë, Mediokritet

Paradoksi është luksi i njerëzve të mëdhenj. E vërteta është klisheja e njerëzve mediokër.

Leo Longanesi
Tema E vërteta, Madhështi, Mediokritet, Paradoks

E meta e vetme e shkrimeve të shkëlqyera është se ato zakonisht janë shkaku i shumë shkrimeve të tjera mediokre.

Georg Christoph Lichtenberg
Tema Mediokritet, Përsosuri, Shkrim

Zilia qet sheshit mediokritetin. Karakteret e forta njohin vetëm rivalitetin.

Pierre-Marc-Gaston de Lévis
Tema Karakter, Mediokritet, Rivalë, Zili

Në jetë, nuk duhet të dorëzohemi kurrë e të biem në duart e mediokritetit, por të dalim nga ajo zonë gri ku çdo gjë është nënshtrim pasiv. Duhet kultivuar guximi për t’u rebeluar.

Rita Levi-Montalcini
Tema Dorëheqje, Mediokritet, Nënshtrim, Rebelim

Mediokriteti çmon të ngjashmit e vet, por talenti më në fund ua kalon.

David Leavitt
Tema Mediokritet, Talent, Vlerë

Njeriu mediokër fiton vlerë kur bëhet pjesë e një grupi, kurse njeriu i arritur humb vlerë nëse bëhet pjesë e ndonjë grupi.

Gustave Le Bon
Tema Arritje, Mediokritet, Vlerë

Mendjet mediokre e ngatërrojnë shpeshherë të jashtëzakonshmen me të rëndësishmen.

William Inge
Tema Jashtëzakonshëm, Mediokritet, Mendje, Rëndësi

Aftësia e gjykimit të njeriut të rëndomtë është kaq e mangët saqë ai rrezikon sa herë që e përdor.

E. W. Howe
Tema Gjykim, Mediokritet, Përdorim, Rrezik

Nuk do të jesh më një njeri mediokër ditën kur do të vendosësh të bëhesh një fitues, sepse një njeri mediokër nuk e merr kurrë një vendim të tillë.

Tom Hopkins
Tema Fitues, Mediokritet, Vendim

Disa lindin mediokër, disa bëhen mediokër, e disa të tjerëve u imponohet mediokriteti.

Joseph Heller
Tema Imponim, Mediokritet

Mësohet më shumë nga gabimet e njerëzve të mëdhenj sesa nga të vërtetat e njerëzve të rëndomtë.

Arturo Graf
Tema E vërteta, Gabim, Madhështi, Mediokritet, Mësim

Për njeriun mediokër nuk ka ngushëllim më të madh se mendimi që gjeniu nuk është i pavdekshëm.

Gëte
Tema Gjenialitet, Mediokritet, Ngushëllim

Shumë janë të ndershëm falë medokritetit të gjendjes së tyre.

Angelo Gatti
Tema Mediokritet, Ndershmëri

Salltaneti është streha e njerëzve të rëndomtë.

Henry Fuseli
Tema Luks, Mediokritet

Njeriu i rëndomtë është përherë mendjemadh.

Henry Fuseli
Tema Mediokritet, Mendjemadhësi

Mendjet e mëdha kanë hasur gjithmonë kundërshtimin e dhunshëm të mendjeve mediokre, të cilat nuk arrijnë të kuptojnë njeriun që nuk u nënshtrohet verbërisht paragjykimeve të trashëguara.

Albert Einstein
Tema Dhunë, Fisnikëri, Kundërshtim, Mediokritet, Paragjykim

Për disa, mediokriteti është një pikëmbërritje.

Eros Drusiani
Tema Mbërritje, Mediokritet