Shpresë

S’ka ilaç më të mirë se shpresën, as forcë më të madhe se pritshmërinë e një të nesërme më të mirë.

Orison Swett Marden
Tema Pritshmëri, Shpresë

Kaosi i jep ca shpresa; rregulli asnjë. Asgjë s’është aq në rregull sa zbrazëtira.

Marcello Marchesi
Tema Kaos, Rregull, Shpresë

Me gratë që s’i kemi, ashtu si me të vdekurit, të dish se s’ke më ç’të shpresosh, nuk të pengon të vazhdosh të presësh.

Marcel Proust
Tema Dashuri, Grua, Pritje, Shpresë

Çdo pasion i vërtetë është i pashpresë, sepse po të kishte shpresë, s’do të ishte më pasion, por një pakt i arsyeshëm, një shkëmbim interesash.

Sándor Márai
Tema Pakt, Pasion, Shpresë

Në shumicën e rasteve, telashet vijnë sepse i shkaktojmë vetë; por as sjellja më e pafajshme e më e kujdesshme nuk mjafton për t’i mbajtur larg. Dhe kur vijnë, me faj a pa faj, besimi në Zot i zbut dhe i kthen në dobi për një jetë më të mirë.

Alessandro Manzoni
Tema Pafajësi, Problem, Shpresë

Duhet t’i lutemi Zotit për ata që vdesin dhe të shpresojmë se do të shkojnë në një vend më të mirë; por, edhe pse kjo dhimbje është e drejtë, nuk është e drejtë që ata që mbeten të jetojnë të dëshpëruar.

Alessandro Manzoni
Tema Dëshpërim, Parajsë, Shpresë, Vdekje

Kush ka të drejtë të shpresojë, në mos ai që e pranon fajin dhe vuan për të?

Alessandro Manzoni
Tema Fajësim, Shpresë, Vuajtje

Gjithmonë ekziston shpresa se një vend i ri do të sjellë ndryshimin.

Bernard Malamud
Tema Ndryshim, Risi, Shpresë

Kush s’e shpreson të mirën, s’i trembet të keqes.

Niccolò Machiavelli
Tema E keqja, E mira, Frikë, Shpresë

Nuk ekziston gjë aq dëshpëruese saqë të mos ketë vend për shpresa.

Niccolò Machiavelli
Tema Dëshpërim, Shpresë

Armët janë të shenjta kur tek ato varet e vetmja shpresë.

Niccolò Machiavelli
Tema Armë, Shpresë

Nuk mund të pretendosh që të gjithë të jenë heronj, por të paktën mund ta shpresosh.

Dwight Macdonald
Tema Heroizëm, Pretendim, Shpresë

Dashuria mund të shpresojë edhe kur arsyeja nuk gjen më shpresë.

George Lyttelton
Tema Arsye, Dashuri, Shpresë

Çdo gjë që bëhet në këtë botë bëhet nga shpresa. Nuk ka fshatar që do të mbillte qoftë edhe një farë të vetme, po të mos shpresonte se ajo do të mbijë e do të japë fruta.

Martin Luteri
Tema Shpresë

Rebelimet bazohen mbi shpresën.

Diego Luna
Tema Rebelim, Shpresë

Çdo shpresë e madhe kundërshtohet nga dhuna, zilia, urrejtja dhe xhelozia.

Lukiani
Tema Dhunë, Kundërshtim, Shpresë, Urrejtje, Xhelozi, Zili

Shpresa është si një rrugë. Në zanafillën e botës rrugët nuk ekzistonin. Rrugët lindin kur shumë njerëz ecin së bashku në të njëjtin drejtim.

Lu Xun
Tema Ecje, Rrugë, Shpresë

Më shumë na shkatërron shpresa e të mirës që vonon, se e keqja që tashmë na zotëron.

Lope de Vega
Tema E keqja, E mira, Shpresë, Vonë

Gjysma e botës duhet të djersijë e të mërmërijë ndërsa gjysma tjetër mund të shpresojë.

Henry Wadsworth Longfellow
Tema Djersë, Shpresë

Në përgjithësi, jeta është aq e trishtë saqë toka do të shpopullohej shpejt nga vetëvrasjet, po të mos i ndalte shpresa guximtarët, ashtu siç i ndal frika burracakët.

Pierre-Marc-Gaston de Lévis
Tema Frikë, Shpresë, Trishtim, Vetëvrasje