Natyrë

Barbarizmi është gjendja natyrore e njerëzimit. Qytetërimi s’është natyror, por një kapriço e rrethanave. Barbarizmi tekefundit duhet të triumfojë gjithnjë.

Robert E. Howard
Tema Barbarizëm, Natyrë, Njerëzim, Qytetërim

Historia e rrekjes së njeriut për të nënshtruar natyrën është edhe historia e rrekjes së njeriut për të nënshtruar njeriun.

Max Horkheimer
Tema Natyrë, Nënshtrim, Njeri

Natyra është e pakufi dhe përballë saj njeriu është i papërfillshëm.

Ian Holm
Tema Natyrë, Njeri, Shpërfillje

Ju thoni që natyra është e paimagjinueshme pa një Zot. Pra, për të shpjeguar diçka që kuptoni fare pak, keni nevojë për diçka tjetër që nuk kuptoni aspak.

Paul Thiry d’Holbach
Tema Kuptim, Natyrë, Zot

Në natyrë, drita krijon ngjyrën. Në pikturë, ngjyra krijon dritën.

Hans Hofmann
Tema Dritë, Natyrë, Pikturë

S’është e drejtë që njerëzit të ndëshkohen për natyrën e tyre. A është e mundur që Zoti të ketë krijuar gjithë këta homoseksualë vetëm e vetëm që t’i mundojë e t’i shkatërrojë?

Christopher Hitchens
Tema Gay, Natyrë, Ndëshkim, Zot

Marihuana rritet në mënyrë të natyrshme në planetin tonë. Ideja për ta bërë natyrën të paligjshme, a nuk ju duket pak e panatyrshme?

Bill Hicks
Tema Drogë, Ligjshmëri, Natyrë

Poezia është gjuha universale që zemra përdor me natyrën dhe me veten.

William Hazlitt
Tema Gjuhë, Natyrë, Pasuri, Zemër

Privilegjet dhe dallimet sociale, duke qenë produkt i shoqërisë dhe jo i natyrës, mund të tejkalohen.

Antonio Gramsci
Tema Dallim, Natyrë, Privilegj, Shoqëri

Një natyrë e mirë i jep gojës aromë.

Baltasar Gracián
Tema Aromë, Natyrë

Natyra nuk njeh pushim në progres e në zhvillim, dhe lëshon mallkimin e saj mbi çdo amulli.

Gëte
Tema Natyrë, Përparim, Pushim, Veprim

Veset e të rinjve nuk vijnë nga natyra, e cila nuk faj, por nga mangësitë e arsimit.

William Godwin
Tema Arsim, Mangësi, Natyrë, Ves

Unë jam i biri i Natyrës, dhe asaj i ngjaj.

W. S. Gilbert
Tema Natyrë, Ngjashmëri

Ligjet e patjetërsueshme të natyrës kanë lidhur paqen me pafajësinë, bollëkun me punën, sigurinë me vlerën.

Edward Gibbon
Tema Bollëk, Natyrë, Pafajësi, Paqe, Punë, Siguri, Vlerë

Guximi është diçka kundër natyrës; këtë e dëshmon fakti se janë të paktë ata që e kanë.

Roberto Gervaso
Tema Guxim, Natyrë

Të kuptosh ligjet e natyrës nuk do të thotë që ke fituar imunitet ndaj tyre.

David Gerrold
Tema Imunitet, Natyrë

Nuk ka gjëra që shkojnë kundër natyrës, përveç të pamundurës, e cila, tekefundit, nuk ekziston.

Galileo Galilei
Tema Kundërshtim, Natyrë, Pamundësi

Një dru i shtrembër nuk do të jetë kurrë i drejtë.

Galeni
Tema Natyrë, Prirje

Koha dhe batica nuk ndalojnë për asnjeri.

Thomas Fuller (shkrimtar)
Tema Kohë, Natyrë, Ndalim

Natyra është brenda artit si pjesë e tij, jo jashtë si shembull i tij.

Northrop Frye
Tema Art, Natyrë, Shembull