Gënjeshtër

Mos u mësoni fëmijëve kurrë diçka për të cilën nuk jeni plotësisht të sigurt. Më mirë të mos dinë mijëra vërtetësi sesa të fusin në zemrën e tyre një gënjeshtër të vetme.

John Ruskin
Tema Fëmijë, Gënjeshtër, Mësim, Vërtetësi

Gratë gënjejnë më shumë pikërisht kur flasin më pak.

Émile Pontich
Tema Gënjeshtër, Grua, Të folurit

As femra vetë nuk e di, pothuajse kurrë, në po gënjen a jo.

Fagus
Tema Gënjeshtër, Grua

Një shkencë e rreme e bën njeriun ateist, por shkenca e vërtetë e gjunjëzon njeriun para hyjnisë.

Volteri
Tema Ateizëm, Gënjeshtër, Shkencë, Vërtetësi

Arsyeja na gënjen më shpesh se natyra.

Volteri
Tema Arsye, Gënjeshtër, Natyrë

I pari i të gjithë ungjijve është ky, që një gënjeshtër nuk mund të zgjasë përgjithmonë.

Thomas Carlyle
Tema Gënjeshtër, Kohëzgjatje

As në paqen më të gjatë nuk thuhen aq gënjeshtra e marrëzi sa në luftën më të shkurtër.

Jean Paul
Tema Gënjeshtër, Luftë, Paqe

Nuk ka njeri që, pasi zbulon të vërtetën dhe gënjeshtrën, të mos preferojë gënjeshtrën që ka gjetur vetë në vend të së vërtetës që kanë zbuluar të tjerët.

Jean-Jacques Rousseau
Tema Gënjeshtër, Vërtetësi, Zbulim

Thuaje nganjëherë të vërtetën, që të të besojnë kur të gënjesh.

Jules Renard
Tema Gënjeshtër, Vërtetësi

Kush gënjen një herë, bën mirë të mësohet me gënjeshtrat; sepse duhen shtatë gënjeshtra për të fshehur një të tillë.

Friedrich Rückert
Tema Fshehje, Gënjeshtër

Mëkati ka shumë mjete, por gënjeshtra ka një dorezë që u përshtatet të gjithëve.

Oliver Wendell Holmes
Tema Gënjeshtër, Mëkat, Mjet, Përshtatje

Mos u përpiq kurrë të gënjesh veten, mos e justifiko gabimin, dhe ki parasysh se është gjë e bukur dhe madhështore të rrëfesh gabimin tënd.

Luigi Settembrini
Tema Gabim, Gënjeshtër, Justifikim, Rrëfim, Vetvetja

Pjesa më e madhe e njerëzve, duke shtrembëruar të vërtetën, duan më shumë të duken se të jenë.

Eskili
Tema Dukje, Gënjeshtër, Vërtetësi

Të gjitha gjërat e shtirura bien si gjethe të thata, dhe asgjë e rreme nuk mund të zgjasë për shumë kohë.

Ciceroni
Tema Gënjeshtër, Jetëgjatësi, Shtirje

Nuk jemi gjë tjetër veçse gënjeshtër, hipokrizi, kontradiktë: ndaj i fshihemi dhe i shtiremi vetes.

Blaise Pascal
Tema Gënjeshtër, Hipokrizi, Kontradiktë, Shtirje

Për shumë gra, dashuria ndaj një burri nënkupton gënjeshtra ndaj një tjetri.

Étienne Rey
Tema Burrë, Dashuri, Gënjeshtër, Grua

Ai që në mirëbesim premton dashuri të amshuar dhe ai që e beson atë, gënjehen njësoj: njëri nga mirësia, tjetri nga vetë dashuria.

Pierre-Marc-Gaston de Lévis
Tema Dashuri, Gënjeshtër, Mirësi, Premtim

Gënjeshtra ia del të mashtrojë vetëm atë që e thotë.

Adolphe d’Houdetot
Tema Gënjeshtër, Mashtrim

Nuk ka gënjeshtar aq të përkryer sa të thotë një gënjeshtër të përkryer.

Arturo Graf
Tema Gënjeshtar, Gënjeshtër, Përsosuri

Vetëm gratë dhe mjekët e dinë se sa e nevojshme dhe e dobishme është gënjeshtra për njerëzit.

Anatole France
Tema Dobi, Gënjeshtër, Grua, Mjek