Dritë

Të gjithë e dimë se ç’është drita, por s’është e lehtë të themi me fjalë.

Samuel Johnson
Tema Dritë, Fjalë, Përshkrim

Ti ke krijuar natën, por unë kam bërë llambën.

Muhammad Iqbal
Tema Dritë, Natë

Nuk ka gjë më të rrezikshme se të mendojmë që besimi është një dritë e gjallë që ndrin errësirën. Besimi është një bishtuk i papërceptueshëm në fillim, që pak nga pak bëhet më i fortë.

Henri Huvelin
Tema Dritë, Errësirë, Fe, Rrezik

Në natyrë, drita krijon ngjyrën. Në pikturë, ngjyra krijon dritën.

Hans Hofmann
Tema Dritë, Natyrë, Pikturë

Ata që pretendojnë ta gjykojnë dritën nga errësira, më mirë të heshtin.

Guillaume de Saint-Thierry
Tema Dritë, Errësirë, Gjykim, Heshtje

Jeta jonë është vetëm një çast drite ndërmjet një errësire e një tjetre.

David Grossman
Tema Dritë, Errësirë, Jetë

Rinia kërkon një zemër që ta kuptojë, më tepër se një dritë që ta ndrijë.

Papa Gjoni XXIII
Tema Dritë, Rini, Zemër

Drita, gëzimi i parë i Zotit, dhe bukuria më e madhe në një ndërtesë.

Thomas Fuller
Tema Bukuri, Dritë, Zot

Për të parë dritën e madhe të Zotit, shuajeni kandilin tuaj të vogël.

Thomas Fuller
Tema Dritë, Zot

As errësira e të gjithë universit nuk ia del të përpijë dritën e një qiriu të vetëm.

Fannie Flagg
Tema Dritë, Errësirë

Gabimet janë për jetën ashtu si hijet për dritën.

Djuna Barnes
Tema Dritë, Gabim, Jetë

Aforizmat pëlqehen nga lexuesit sepse ato i bëjnë të mendojnë: është një dritë që befas ndriçon një hapësirë të madhe.

Étienne Bonnot de Condillac
Tema Dritë, Mendim, Ndriçim, Pëlqim

Fjalët bëjnë dritë mbi gjërat, ose i nxjerrin ato në dritë.

Alessandro D’Avenia
Tema Dritë, Fjalë

Ata që e shohin dritën para të tjerëve janë të dënuar të vazhdojnë pavarësisht të tjerëve.

Kristofor Kolombi
Tema Dritë, Ndëshkim, Talent

Shkenca është një dritë e zbehtë dhe e brishtë në errësirën që na rrethon, por është e vetmja dritë që kemi.

Marvin L. Cohen
Tema Dritë, Errësirë, Shkencë

Ka njerëz që shkëlqejnë në çastet më të errëta.

Cassandra Clare
Tema Aftësi, Dritë, Errësirë

Fjala i ka paraprirë dritës dhe jo e kundërta: “Le të bëhet drita dhe drita u bë”.

Gesualdo Bufalino
Tema Dritë, Fjalë

Mund të kuptoj fëmijën që ka frikë nga errësira, por i rrituri që ka frikë nga drita është një tragjedi e vërtetë.

Platoni
Tema Dritë, Errësirë, Fëmijë, Frikë, Moshë, Vërtetësi

Zjarri përhap rreth vetes ngrohtësi dhe dritë: është ligji i natyrës, i vlefshëm edhe në botën e shpirtit.

Vergilio Gamboso
Tema Dritë, Ngrohtësi, Zjarr

Errësira nuk mund të na nxjerrë nga errësira: vetëm drita mundet. Urrejtja nuk mund të na nxjerrë nga urrejtja: vetëm dashuria mundet.

Martin Luther King
Tema Dashuri, Dritë, Errësirë, Urrejtje